ساراپشىلار تاريح وقۋلىعىندا نۇرسۇلتان نازاربايەۆقا نەگە 13 بەت ارنالعانىن ءتۇسىندىردى، دەپ حابارلايدى Dalanews.kz.
ءبىلىم بەرۋ ساراپتاماسى جونىندەگى رەسپۋبليكالىق عىلىمي-تاجىريبەلىك ورتالىق 8–9-سىنىپتارعا ارنالعان تاريح وقۋلىعىنا قاتىستى سىنعا پىكىر ءبىلدىردى. وندا قازاقستاننىڭ تۇڭعىش پرەزيدەنتى نۇرسۇلتان نازاربايەۆقا جەكە ءبولىم ارنالسا، ول 13 بەتتى قامتيدى.
ورتالىقتىڭ مالىمەتىنشە، وقۋلىق جاڭارتىلعان ءبىلىم مازمۇنىنىڭ بەكىتىلگەن باعدارلاماسىنا قاتاڭ سايكەس ازىرلەنگەن. نازاربايەۆقا ارنالعان ءبولىم «قازاقستان مەملەكەتتىك تاۋەلسىزدىگىنىڭ قايتا تۇلەۋى (1991–1996 جىلدار)» تاقىرىبىنا كىرەدى جانە ول تاۋەلسىز مەملەكەتتىڭ قالىپتاسۋى تۇرعىسىنان قاراستىرىلادى.
ال 2024 جىلدان باستاپ 9-سىنىپقا ارنالعان تاريح وقۋلىقتارىنىڭ مازمۇنى جاڭارتىلىپ، قايتا باسىلىپ، جاڭا وقۋ جىلىنىڭ باسىنان وقۋ پروسەسىنە ەنگىزىلگەن.
