Сарапшылар тарих оқулығында Нұрсұлтан Назарбаевқа неге 13 бет арналғанын түсіндірді, деп хабарлайды Dalanews.kz.
Білім беру сараптамасы жөніндегі республикалық ғылыми-тәжірибелік орталық 8–9-сыныптарға арналған тарих оқулығына қатысты сынға пікір білдірді. Онда Қазақстанның тұңғыш президенті Нұрсұлтан Назарбаевқа жеке бөлім арналса, ол 13 бетті қамтиды.
Орталықтың мәліметінше, оқулық жаңартылған білім мазмұнының бекітілген бағдарламасына қатаң сәйкес әзірленген. Назарбаевқа арналған бөлім «Қазақстан мемлекеттік тәуелсіздігінің қайта түлеуі (1991–1996 жылдар)» тақырыбына кіреді және ол тәуелсіз мемлекеттің қалыптасуы тұрғысынан қарастырылады.
Ал 2024 жылдан бастап 9-сыныпқа арналған тарих оқулықтарының мазмұны жаңартылып, қайта басылып, жаңа оқу жылының басынан оқу процесіне енгізілген.
