Tarifterdiń ózgerýine qatysty kaspi.kz resmi jaýap berdi, dep habarlaidy Dalanews.kz.
Áleýmettik jelide Kaspi.kz-tiń jyldyq qyzmet kórsetýi naýryzdan bastap 10 myń teńge bolatyny týraly aqparat taraǵan bolatyn. Buǵan deiin bank jyldyq qyzmet kórsetýge 2 myń teńge kóleminde alatyn.
Alaida bank jelidegi aqparatty joqqa shyǵaryp, tarifter men qyzmet kórsetý sharttary ózgermegenin habarlady.
"Jelide Kaspi.kz tarifteri: Kaspi Gold-qa jyldyq qyzmet kórsetý jáne ony qaita shyǵarý quny, Kaspi Pay sharttary jáne basqa bankterdiń kartalaryna aqsha aýdarǵany úshin komissiia ózgerdi degen aqparat tarady. Buǵan QR zańnamasyna sai shekti mánder kórsetilgen tarifter týraly jańartylǵan zańdy qujattyń durys túsindirilmegeni negiz bolǵan", - deidi bank ókilderi.
Bank eger qandai da bir ózgeris bolsa, biz bul týraly árdaiym aldyn ala jáne ashyq túrde habarlaitynyn atap ótti.
