40 avtomobil, 30 jylqy men 3 túieden bólek, Tóleshovtyń mynadai múligi tárkilenetin bolady:
- 9 turǵyn úi,
- 9 jer ýchaskeleri,
- zergerlik qural-jabdyqtar
- 200-ge tarta qymbat júzikter men bilezikter.
Eger Tóleshov ne úkimge shaǵym túsirmese, bul bailyqtyń barlyǵy memlekettik organdardyń menshigine ótip, aýktsionnan satylatyn bolady.
«Shymkentsyra» ATF banktiń menshigine ótti
— Oraiy kelse, Tóleshovtiń múligin satyp alady. Álbette, baǵasy kóńilden shyǵatyn bolsa, — deidi ekonomikalyq sholýshy Denis Krivosheev.
— «Shymkentsyra» zaýyty ATF banktiń menshigine ótip ketti, óitkeni ony eshkim satyp almaǵan. «ATF bank» aktsionerlik qoǵamynyń basqarýshy direktory Eldos Jumabaevtyń aitýynsha, satylym uiymdastyrylǵan kezde áleýetti satyp alýshylar bolmapty. Al ol úlken kiris berip otyrǵan ózin ózi aqtaityn kásiporyn ǵoi.
— Qazir eshkimge eshteńe kerek emes. «Samuryqtaǵylar» aitqandai, «eshteńe sata almai otyrmyz, suranys joq. Óitkeni, barlyq kásiporyndarǵa kópirme baǵa qoiylǵan. Olardyń qunyn áý basta tym joǵary kóterip jibergen.
— Múmkin, mundai áńgime «Samuryq-Qazyna» aktsionerlik qoǵamynyń enshiles kásiporyndaryna qatysty shyǵar. Al Tóleshovtiń zaýytynyń jóni bólek emes pe.
— Bank qoiǵan baǵa tym joǵary, qazirgi kezge sáikes emes, sondyqtan ony satyp alýǵa eshkim niet bildirgen joq. Bastapqy baǵa 28 mlrd teńge somasynda qoiylǵan!
Siz «Shymkentsyra» 28 mlrd turady dep oilaisyz ba? Ol aqshaǵa jańa zaýyt salýǵa bolady.
Jyljymaityn múliktiń mundai baǵasy 5 jyl buryn qoldanysta bolǵan, ol kezde bir sharshy metrdiń baǵasy 5 myń dollar bolýy qalypty dúnie edi, al qazir 1,5 myń dollardyń ózin tym qymbat kóredi. Másele baǵanyń ádil bolýynda. Bank qaryzdyń barlyǵyn qaitaryp alýdy kózdeidi, al bul kompaniia ondai aqsha turmaidy. Endi zaýytty banktiń ózi basqaratyn bolady.
Tóleshovtiń altyny lombard baǵasymen satylady
— Bankirler syra qainatýǵa kóshpek pe?
— Bul biznestiń jańa turpaty, bankter negizgi qyzmetimen birge basqarýshy kompaniia da bolady. Men mundai tájiribemen tanyspyn:
kóptegen bankter tárkilengen múlikke basqarýshylar taǵaiyndap, bank-holdingke ainalyp jatyr. Biraq bul tuiyqqa tireletin jol
Bank óziniń aqshasyn qaitara almaitynyn túsingen kezde, ol biznes oinai bastaidy. Mine, osy kezde qiyndyqtar bastalady. Bir jaǵynan bank nesielendiredi, al onyń basqarýyndaǵy kásiporyn qaryzdardy óteýge qulyqsyz. Múdeler qaqtyǵysy oryn alyp, múldem eshteńe óndire almaityn bolady. Kapitalizmniń birinshi erejesi — shyǵyndy der kezinde tirkeý, biraq bizde munymen eshkim ainalysqysy kelmeidi.
— Eger Tóleshovtiń biznesin eshkim satyp almasa, onyń mashinalaryn, jylqylary men altyn áshekeilerin bireý satyp ala ma, qalai oilaisyz?
— Olardyń barlyǵy lombardtaǵy baǵamen satylatyn bolady.
— Iaǵni, arzanǵa ǵoi?
— Álbette. Tárkileý degenimiz — óte qymbat dúnielerdi óte arzan baǵamen satyp alýǵa múmkindik týdyratyn alyp mashina ispetti.
Derekkózi: kaz.365info.kz
