Joǵary aýditorlyq palata Qostanaida jer ýchaskelerin óz betinshe ielenip alýdyń 174 jaǵdaiyn anyqtady, dep habarlaidy dalanews.kz.
Qostanai qalasynyń ákimdigi jer ýchaskelerin negizsiz ielenip alýdyń 174 faktisi boiynsha tiisti sharalar qabyldady. Bul faktiler biyl Joǵary aýditorlyq palata júrgizgen aýdit barysynda anyqtaldy. Qostanai oblysynda memlekettik resýrstardyń paidalanylý tiimdiligine júrgizilgen aýdit aiasynda Joǵary aýditorlyq palata Qostanaida jerdi óz betinshe ielenip alý belgileri bar ári quqyq belgileitin qujattary joq ǵimarattar salynǵan jer ýchaskelerine qatysty 174 jaǵdaidy anyqtady. Mundai obektiler jer jáne salyq esebinen tys qalyp, biýdjetke túsim ákelmeidi ári qala úshin quqyqtyq belgisizdik týyndatady.
Osyǵan bailanysty Qostanai qalasynyń ákimdigine anyqtalǵan jaǵdai boiynsha is-sharalar josparyn ázirleý tapsyryldy.
Búginde tiisti jospar iske asyrylýda. Ol árbir jaǵdaidy ataýly túrde tekserýdi, jer ýchaskelerin resimdeýdi, ákimshilik jaza qoldanýdy, sotqa deiingi talap qoiý jumystary men ózge de sharalardy kózdeidi. Atap aitqanda, jerdi zańsyz ielenip alǵan tulǵalardy anyqtaý úshin 143 fakt boiynsha málimetter Politsiia departamentine joldandy. 31 fakt boiynsha materialdar Jer resýrstaryn basqarý departamentine jiberildi. Rastalǵan buzýshylyqtar boiynsha ákimshilik hattamalar jasalyp, olardy joiý týraly nusqamalar berildi.
Eger salynǵan obektilerdiń quqyq belgileitin qujattary bolsa, ieleri jer paidalaný quqyǵyn resimdep, biýdjetke jer ýchaskesin paidalanǵany úshin jaldaý aqysyn nemese jer ýchaskesiniń satyp alý qunyn tólei alady. Mundai qujattar bolmasa, buzýshylyq jasaǵandar aiyppul tólep, zańsyz salynǵan obektilerdi buzýǵa mindetti.
