جوعارى اۋديتورلىق پالاتا قوستانايدا جەر ۋچاسكەلەرٸن ٶز بەتٸنشە يەلەنٸپ الۋدىڭ 174 جاعدايىن انىقتادى, دەپ حابارلايدى dalanews.kz.
قوستاناي قالاسىنىڭ ەكٸمدٸگٸ جەر ۋچاسكەلەرٸن نەگٸزسٸز يەلەنٸپ الۋدىڭ 174 فاكتٸسٸ بويىنشا تيٸستٸ شارالار قابىلدادى. بۇل فاكتٸلەر بيىل جوعارى اۋديتورلىق پالاتا جٷرگٸزگەن اۋديت بارىسىندا انىقتالدى. قوستاناي وبلىسىندا مەملەكەتتٸك رەسۋرستاردىڭ پايدالانىلۋ تيٸمدٸلٸگٸنە جٷرگٸزٸلگەن اۋديت اياسىندا جوعارى اۋديتورلىق پالاتا قوستانايدا جەردٸ ٶز بەتٸنشە يەلەنٸپ الۋ بەلگٸلەرٸ بار ەرٸ قۇقىق بەلگٸلەيتٸن قۇجاتتارى جوق عيماراتتار سالىنعان جەر ۋچاسكەلەرٸنە قاتىستى 174 جاعدايدى انىقتادى. مۇنداي وبەكتٸلەر جەر جەنە سالىق ەسەبٸنەن تىس قالىپ, بيۋدجەتكە تٷسٸم ەكەلمەيدٸ ەرٸ قالا ٷشٸن قۇقىقتىق بەلگٸسٸزدٸك تۋىنداتادى.
وسىعان بايلانىستى قوستاناي قالاسىنىڭ ەكٸمدٸگٸنە انىقتالعان جاعداي بويىنشا ٸس-شارالار جوسپارىن ەزٸرلەۋ تاپسىرىلدى.
بٷگٸندە تيٸستٸ جوسپار ٸسكە اسىرىلۋدا. ول ەربٸر جاعدايدى اتاۋلى تٷردە تەكسەرۋدٸ, جەر ۋچاسكەلەرٸن رەسٸمدەۋدٸ, ەكٸمشٸلٸك جازا قولدانۋدى, سوتقا دەيٸنگٸ تالاپ قويۋ جۇمىستارى مەن ٶزگە دە شارالاردى كٶزدەيدٸ. اتاپ ايتقاندا, جەردٸ زاڭسىز يەلەنٸپ العان تۇلعالاردى انىقتاۋ ٷشٸن 143 فاكت بويىنشا مەلٸمەتتەر پوليتسييا دەپارتامەنتٸنە جولداندى. 31 فاكت بويىنشا ماتەريالدار جەر رەسۋرستارىن باسقارۋ دەپارتامەنتٸنە جٸبەرٸلدٸ. راستالعان بۇزۋشىلىقتار بويىنشا ەكٸمشٸلٸك حاتتامالار جاسالىپ, ولاردى جويۋ تۋرالى نۇسقامالار بەرٸلدٸ.
ەگەر سالىنعان وبەكتٸلەردٸڭ قۇقىق بەلگٸلەيتٸن قۇجاتتارى بولسا, يەلەرٸ جەر پايدالانۋ قۇقىعىن رەسٸمدەپ, بيۋدجەتكە جەر ۋچاسكەسٸن پايدالانعانى ٷشٸن جالداۋ اقىسىن نەمەسە جەر ۋچاسكەسٸنٸڭ ساتىپ الۋ قۇنىن تٶلەي الادى. مۇنداي قۇجاتتار بولماسا, بۇزۋشىلىق جاساعاندار ايىپپۇل تٶلەپ, زاڭسىز سالىنعان وبەكتٸلەردٸ بۇزۋعا مٸندەتتٸ.
