Aqmola oblysynda kadrlyq aýys-túiis boldy. Astrahan jáne Arshaly aýdandaryna jańa ákimder taǵaiyndaldy, dep habarlaidy dalanews.kz.
Óńir ákimdiginiń málimetinshe, Bergen Jumkei Astrahan aýdanynyń ákimi bolyp taǵaiyndaldy.
Bergen Jumkei 1985 jylǵy 15 maýsymda dúniege kelgen. 2007 jyly Kókshetaý ýniversitetin «Qarjy» mamandyǵy boiynsha támamdaǵan.
Eńbek jolyn 2008 jyly Kókshetaý qalasyndaǵy HQKO filialynda inspektor bolyp bastaǵan. Keiin Shortandy aýdanynda túrli memlekettik qyzmetter atqardy.
Ár jyldary Shortandy kentiniń ákimi, aýdandyq ishki saiasat bóliminiń basshysy, mádeniet jáne tilderdi damytý bóliminiń basshysy, jumyspen qamtý jáne áleýmettik baǵdarlamalar bóliminiń basshysy, aýdan ákimi apparatynyń basshysy qyzmetterin atqarǵan.
2021 jylǵy tamyzdan bastap Astrahan aýdanynyń ákimi bolyp taǵaiyndalǵanǵa deiin Qosshy qalasy ákiminiń orynbasary bolǵan.
Sonymen qatar Aqmola oblysy ákiminiń ókimimen Ashat Muratbekuly Ahmedianov Arshaly aýdanynyń ákimi bolyp taǵaiyndaldy.
Ashat Ahmedianov 1992 jylǵy 29 mamyrda Soltústik Qazaqstan oblysy Ýálihanov aýdanynyń Komsomolskoe aýylynda dúniege kelgen.
2013 jyly «Turan-Astana» ýniversitetin «Memlekettik jáne jergilikti basqarý» mamandyǵy boiynsha támamdaǵan.
Memlekettik qyzmet jolyn Atbasar aýdanynda bastaǵan. 2017–2019 jyldary Pokrov aýyldyq okrýginiń ákimi, 2019–2021 jyldary Atbasar aýdany kásipkerlik bóliminiń basshysy, 2021–2023 jyldary Makeev aýyldyq okrýginiń ákimi qyzmetterin atqardy.
2023–2026 jyldary Zerendi aýdany ákiminiń orynbasary boldy. 2026 jylǵy aqpannan bastap Arshaly aýdanynyń ákimi bolyp taǵaiyndalǵanǵa deiin Aqmola oblysynyń kásipkerlik jáne ónerkásip basqarmasyn basqardy.
