Prezident Qasym-Jomart Toqaev Ulybritaniianyń Saýda jónindegi memlekettik ministri lord Anas Sarvarmen kezdesip, eki el arasyndaǵy saýda-ekonomikalyq jáne gýmanitarlyq yntymaqtastyqty keńeitý máselelerin talqylady, dep habarlaidy dalanews.kz.
Aqordada ótken kezdesýde Memleket basshysy Qazaqstannyń Ulybritaniiamen ekijaqty qarym-qatynasty damytýǵa airyqsha mán beretinin atap ótti.
Toqaev Qazaqstan men Ulybritaniiany syndarly saiasi dialog jáne túrli deńgeidegi belsendi bailanystar biriktiretinin aityp, eki el arasyndaǵy yntymaqtastyqty odan ári keńeitýge múmkindik bar ekenin jetkizdi.
Prezidenttiń málimetinshe, Ulybritaniia Qazaqstannyń negizgi saýda jáne investitsiialyq seriktesteriniń biri sanalady. Byltyr eki el arasyndaǵy saýda ainalymy 83 paiyzǵa ósip, 1,6 mlrd dollardan asqan. Qazaqstanda 500-den astam britandyq kompaniia jumys isteidi.
Memleket basshysy saýda-ekonomikalyq bailanystardy damytý úshin jańa jobalar men investitsiialarmen qatar, halyqaralyq ortada jumys istei alatyn bilikti mamandar qajet ekenin aitty. Osy oraida ol jastardyń shet tilderin, ásirese aǵylshyn tilin meńgerýiniń mańyzyn atap ótti.
Kezdesý barysynda Toqaev Ulybritaniia Premer-ministri Endriý Biornemge jyly lebizin joldap, ony Qazaqstanǵa saparmen kelýge shaqyrdy.
Óz kezeginde lord Anas Sarvar Ulybritaniianyń Qazaqstanmen strategiialyq seriktestiktiń damýyna kóńili tolatynyn jetkizdi. Ol britandyq biznes jobalardy qoldap, elde qolaily investitsiialyq ahýal qalyptastyrǵany úshin Prezidentke alǵys aitty.
«Bizdi ashyqtyq, seriktestik, innovatsiialar, ózara senim men erkin saýda bailanystyrady», - dedi Ulybritaniianyń Saýda jónindegi memlekettik ministri.
Taraptar gýmanitarlyq bailanystardy nyǵaitý, akademiialyq almasýdy keńeitý jáne birlesken bilim berý jobalaryn júzege asyrý máselelerin de talqylady.
Sonymen qatar kezdesýde energetika, kólik-logistika, tsifrlandyrý jáne jasandy intellekt salalaryndaǵy yntymaqtastyqty jandandyrý perspektivalary qaraldy.
