Astanada "Altyn Orda – dala órkenietiniń úlgisi: tarih, arheologiia, mádeniet, biregeilik" atty halyqaralyq simpoziým ótip jatyr, dep habarlaidy dalanews.kz.
Memleket basshysy Qasym-Jomart Toqaev simpoziýmnyń ashylý saltanatynda sóz sóiledi. Is-sharaǵa álemniń 20-dan asa elinen delegatsiia qatysyp otyr. Olardyń qatarynda tarihshy-medievister, arheologtar, shyǵystanýshylar, túrkitanýshylar, mońǵoltanýshylar, nýmizmattar, epigrafika mamandary, saiasattanýshylar, mádeniettanýshylar, ónertanýshylar, diplomattar jáne halyqaralyq uiymdardyń ókilderi bar.
Qasym-Jomart Toqaevtyń pikirinshe, tarihtan tartys quralyn jasaýǵa bolmaidy.
"Tarih halyqtar arasyn jalǵaityn altyn kópir retinde ádiletti ári qaýipsiz álem qurýǵa yqpal etýi qajet. Sol úshin ortaq múdde jolynda kúsh biriktirip, birlese áreket etýimiz qajet. Bul máselede ǵylymi qaýymdastyq airyqsha ról atqaratyny anyq. Búgingi jiynda aitylatyn salmaqty oilar men utymdy usynystar jańa ǵylymi eńbekterge, halyqaralyq jobalar men ekspeditsiialarǵa negiz bolatyny sózsiz. Biz bul simpoziýmdy turaqty túrde ótkizýdi josparlap otyrmyz. Sizder aldaǵy ýaqytta da osy mańyzdy jumysqa mol úles qosa beresizder dep oilaimyn. Barshańyzǵa taǵy da zor alǵys aitamyn. Shyn máninde, búgingi simpoziýmnyń tarihi máni airyqsha. Osy mańyzdy jiynnyń qorytyndysy boiynsha arnaiy qarar qabyldanady. Bul qujat Altyn Ordanyń tarihy men murasyn zertteý jumysyna tyń serpin beredi dep senemin", - dedi Prezident.
