استانادا "التىن وردا – دالا ٶركەنيەتٸنٸڭ ٷلگٸسٸ: تاريح, ارحەولوگييا, مەدەنيەت, بٸرەگەيلٸك" اتتى حالىقارالىق سيمپوزيۋم ٶتٸپ جاتىر, دەپ حابارلايدى dalanews.kz.
مەملەكەت باسشىسى قاسىم-جومارت توقاەۆ سيمپوزيۋمنىڭ اشىلۋ سالتاناتىندا سٶز سٶيلەدٸ. ٸس-شاراعا ەلەمنٸڭ 20-دان اسا ەلٸنەن دەلەگاتسييا قاتىسىپ وتىر. ولاردىڭ قاتارىندا تاريحشى-مەديەۆيستەر, ارحەولوگتار, شىعىستانۋشىلار, تٷركٸتانۋشىلار, موڭعولتانۋشىلار, نۋميزماتتار, ەپيگرافيكا ماماندارى, ساياساتتانۋشىلار, مەدەنيەتتانۋشىلار, ٶنەرتانۋشىلار, ديپلوماتتار جەنە حالىقارالىق ۇيىمداردىڭ ٶكٸلدەرٸ بار.
قاسىم-جومارت توقاەۆتىڭ پٸكٸرٸنشە, تاريحتان تارتىس قۇرالىن جاساۋعا بولمايدى.
"تاريح حالىقتار اراسىن جالعايتىن التىن كٶپٸر رەتٸندە ەدٸلەتتٸ ەرٸ قاۋٸپسٸز ەلەم قۇرۋعا ىقپال ەتۋٸ قاجەت. سول ٷشٸن ورتاق مٷددە جولىندا كٷش بٸرٸكتٸرٸپ, بٸرلەسە ەرەكەت ەتۋٸمٸز قاجەت. بۇل مەسەلەدە عىلىمي قاۋىمداستىق ايرىقشا رٶل اتقاراتىنى انىق. بٷگٸنگٸ جيىندا ايتىلاتىن سالماقتى ويلار مەن ۇتىمدى ۇسىنىستار جاڭا عىلىمي ەڭبەكتەرگە, حالىقارالىق جوبالار مەن ەكسپەديتسييالارعا نەگٸز بولاتىنى سٶزسٸز. بٸز بۇل سيمپوزيۋمدى تۇراقتى تٷردە ٶتكٸزۋدٸ جوسپارلاپ وتىرمىز. سٸزدەر الداعى ۋاقىتتا دا وسى ماڭىزدى جۇمىسقا مول ٷلەس قوسا بەرەسٸزدەر دەپ ويلايمىن. بارشاڭىزعا تاعى دا زور العىس ايتامىن. شىن مەنٸندە, بٷگٸنگٸ سيمپوزيۋمنىڭ تاريحي مەنٸ ايرىقشا. وسى ماڭىزدى جيىننىڭ قورىتىندىسى بويىنشا ارنايى قارار قابىلدانادى. بۇل قۇجات التىن وردانىڭ تاريحى مەن مۇراسىن زەرتتەۋ جۇمىسىنا تىڭ سەرپٸن بەرەدٸ دەپ سەنەمٸن", - دەدٸ پرەزيدەنت.
