Ulan aýdanynyń Tarǵyn aýylynda ornalasqan «Diana» sharýa qojalyǵy «Aýyl amanaty» baǵdarlamasy arqyly jartylai fabrikattar óndiretin tsehyn keńeitip, aýyl kásipkerligin damytýǵa serpin berdi, dep habarlaidy Dalanews.kz
2021 jyldan beri tabysty jumys istep kele jatqan «Diana» sharýa qojalyǵy búginde aýyl kásipkerliginiń damýyna óz úlesin qosyp otyr.
Qojalyq jetekshisi Berdinova Arai Zarykqanqyzy 2023 jyly aýyl ishinde jartylai fabrikat ónimderin shyǵaratyn tseh ashyp, óndiristi qolǵa alǵan bolatyn.
Tsehta túshpara, mánti, vareniki siiaqty un ónimderi men farsh jasalady.
Kásiptiń aýqymyn keńeitý maqsatynda 2024 jyly «Aýyl amanaty» baǵdarlamasy arqyly 8 640 000 teńge kóleminde jeńildetilgen nesie alyp, óndiris orny kúrdeli jóndeýden ótip, jańa jabdyqtarmen tolyqty. Bul tsehtyń jumysyn júielep, ónim kólemin arttyrýǵa múmkindik berdi.
Búginde tsehta aýyldyń 5 turǵyny turaqty jumyspen qamtylǵan. Bul óz kezeginde aýylda jumyssyz júrgen azamattarǵa úlken kómek.
Sharýashylyq iesi Arai Zaryqqanqyzy kórsetilgen qoldaýǵa alǵysyn bildirip, aldaǵy josparlaryn bólisti.
- «Aýyl amanaty» baǵdarlamasy bizge úlken demeý boldy. Jańa tehnika alyp, jumys ornymyzdy keńeittik. Bul – tek meniń ǵana emes, búkil aýyldyń qýanyshy. Endi óndiristi ári qarai damytyp, aýyldyń atyn shyǵaratyn ónim daiyndaýdy maqsat etip otyrmyz, – deidi kásipker.
«Diana» sharýa qojalyǵynyń bul bastamasy aýyl kásipkerligin qoldaýdyń naqty nátijesi retinde kópke úlgi. Memlekettik qoldaýdyń arqasynda aýyldaǵy kásip jandanyp, jergilikti halyqtyń turmysy jaqsaryp keledi.
