Jambyl oblysynyń stýdentteri oblystyń ákimi kim ekenin áli kúnge bilmei júr. Mundai masqarany Taraz qalasyndaǵy №12 kásiptik kolledjiniń bilimgerleri shyǵaryp, jerge qaratýda. Bildei-bir oqý ornynyń stýdentteri oblys ákimi Kárim Kókirekbaevtan bastap, Taraz qalasynyń ákimi Nurjan Kalenderovty, odan qalsa Bilim jáne ǵylym ministiri Erlan Saǵadievti tanymaityn bolyp shyqty. Tanymaityny bylai tursyn, olardyń esimin ómiri estimegenderin aitýda.
Áńgimeniń álqissasyn arydan bastasaq, jýyrda oblys ákimdigi jastar saiasaty máseleleri basqarmasynyń basshysy Erkebulan Quralbaev №12 kásiptik kolledjiniń stýdentterimen kezdesip, Otandy súiý, patriotizm taqyrybynda dáris oqyǵan bolatyn. Basqarma basshysy dárisin bastamas buryn jiylǵan jastardan jańadan taǵaiyndalǵan Bilim jáne ǵylym minstiriniń esimin suraǵan edi. Alaida buǵan stýdentter únsizdikpen jaýap berdi. Bálkim jańa ministrdiń esimin stýdentter jattap úlgermegen bolar degen oimen basqarma basshysy budan keiin burynǵy bilim ministiri Aslan Sárinjipovtyń esimin surady. Biraq, bul suraqqa «lám-lim» dep jaýap bergen eshkim bolmady. Ashynyp ketken Erkebulan Esenǵaliuly: «Tym bolmasa, oblys ákiminiń, óz qalamyzdyń ákiminiń aty-jónderin bilesizder ma?», – dep sózin nyqtai tústi. Alaida bul saýalǵa da jastar biraýyzdan «joq» dep jaýap berdi. Tek, bir ǵana stýdent «Bozymbaev» dep jerden jeti qoian tapqandai ornynan tura kelip, bárimizdi jerge qaratty. №12 kolledjdiń syrtqy kórinisi
– Bizde negizi kásiptik baǵyttaǵy mamandyqtar oqytylady. Sondyqtan kolledjimizdi pedagogikalyq ýniversitettermen salystyrýǵa kelmeidi. Stýdentterimiz óte uiań. Syrttan bireý kelse, bilip turǵan nársesin aita almai qalady. Bir jaǵynan olardyń ministrdi nemese oblys, qala ákiminiń esimin bilmei qalǵanyna kolledj direktory kináli emes shyǵar? – dep ózimizge bále saldy. Ol az deseńiz, «Eger qala ákimi óziniń reitingin kótergisi kelse jumys jasasyn» dep shahar basshysy Nurjan Kalenderovke jón siltep, taǵy qyzyqqa batyrdy.
Osylaisha №12 arnaýly orta oqý ornyna jaýapty degen basshydan bas shaiqaityn jaýap estidik. Tipti, kolledj direktory bilimgerleriniń bilimsizdigine ózin kináli emes sanaidy eken. Mine, ǵajap. Sonda stýdentterdiń saýatty bilim alýyna basshy jaýapty bolmaǵanda, kim jaýapty?
Jalpy jastar basqarmasynyń basshysy Erkebulan Quralbaevtyń aitýynsha, mundai jaǵdai barlyq oqý oryndarynda oryn alýda eken. Ásirese shalǵai eldi mekenderdegi kolledj stýdentteri joǵaryda atalǵan basshylardyń esimin múlde estimegen kórinedi.
Qalai degende de, bul bei-jai qaraityn másele emes. Óitkeni №12 kolledj stýdentteri memleket qarjysyna tegin tálim alyp, oǵan qosa tegin tamaq pen jatyn orynmen qamtylǵan. Úkimet tarapynan osyndai qamqorlyq jasalyp jatqanda bilim ministri, oblys ákimi, qala basshysynyń aty-jónin bilmeý masqara. Mundai jastardan erteń bilikti maman shyǵady dep qalai aita alamyz? Múmkin, kúni erteń «men kináli emespin» dep attonyn ala qashatyn Marat Ashimovtai direktorymen kolledj stýdentteri Elbasynyń da esimin jatqa aita almaityn kúige jeter? Sondyqtan jaýapty sala mamandary bul máseleni tez arada qolǵa alyp, júgensiz ketken kolledj direktoryn jónge keltirýi qajet.
Buǵan oblystyq bilim basqarmasynyń basshysy Sulýshash Qurmanbekova ne der eken, á?
Saiathan SATYLǴANOV
Derekkózi: elana.kz
