Tarazda "mektepterge qarýly shabýyl jasaımyz" dep málimdeme jasaǵandar izdestirilip jatyr, dep habarlaıdy Dalanews.kz.
"KTK" telearnasy málimetinshe, Telegram mesenjerinen ashylǵan bes adamnan turatyn topta qarýdyń sýreti men adamshoshyrlyq jazba jarıalanǵan.
Jambyl oblystyq Polısıa departamenti jaǵdaıǵa pikir bildirdi.
"Messendjerlerde mektepterde bolýy múmkin terakt týraly jalǵan aqparat tarap jatyr. Sizderden mundaı negizsiz aqparattarǵa senbeýdi jáne tekserilmegen habarlamalardy taratpaýlaryńyzdy suraımyz. Polısıa tarapynan tekseris júrgizilip, barlyq qaýipsizdik sharalary kúsheıtildi. Jaǵdaı tolyq baqylaýda", - dedi İİM ókili.
Aıta keteıik, terrorlyq áreket týraly jalǵan aqparat taratqany úshin 5 jylǵa deıin bas bostandyǵynan aıyrý jazasy qarastyrylǵan.
