تارازدا "مەكتەپتەرگە قارۋلى شابۋىل جاسايمىز" دەپ مالىمدەمە جاساعاندار ىزدەستىرىلىپ جاتىر، دەپ حابارلايدى Dalanews.kz.
"كتك" تەلەارناسى مالىمەتىنشە، Telegram مەسەنجەرىنەن اشىلعان بەس ادامنان تۇراتىن توپتا قارۋدىڭ سۋرەتى مەن ادامشوشىرلىق جازبا جاريالانعان.
جامبىل وبلىستىق پوليسيا دەپارتامەنتى جاعدايعا پىكىر ءبىلدىردى.
"مەسسەندجەرلەردە مەكتەپتەردە بولۋى مۇمكىن تەراكت تۋرالى جالعان اقپارات تاراپ جاتىر. سىزدەردەن مۇنداي نەگىزسىز اقپاراتتارعا سەنبەۋدى جانە تەكسەرىلمەگەن حابارلامالاردى تاراتپاۋلارىڭىزدى سۇرايمىز. پوليسيا تاراپىنان تەكسەرىس جۇرگىزىلىپ، بارلىق قاۋىپسىزدىك شارالارى كۇشەيتىلدى. جاعداي تولىق باقىلاۋدا"، - دەدى ءىىم وكىلى.
ايتا كەتەيىك، تەررورلىق ارەكەت تۋرالى جالعان اقپارات تاراتقانى ءۇشىن 5 جىلعا دەيىن باس بوستاندىعىنان ايىرۋ جازاسى قاراستىرىلعان.
