Taraz qalasynda Almas Qojahanov eki aıǵa qamaýǵa alyndy, dep habarlaıdy Dala News.

Mamandandyrylǵan tergeý soty ony asa iri kólemde bopsalaý jáne ózin-ózi óltirýge jetkizý baptary boıynsha kúdikti dep tanyp, qamaýǵa sanksıa berdi. Sot otyrysy jabyq rejımde ótti.

Atalǵan baptar boıynsha jaza 7 jyldan 15 jylǵa deıin, sondaı-aq qosymsha 3 jylǵa deıin bas bostandyǵynan aıyrýdy kózdeıdi.

Eske salaıyq, 29 naýryz kúni Taraz kósheleriniń birinen er adamnyń máıiti tabylǵan. Keıin marqumnyń qaryzǵa baılanysty tanysymen kezdesýge shyqqany anyqtalǵan.

Tergeý málimetinshe, sol tanysy Almas Qojahanov bolyp shyqqan.

Aıta keteıik, ol buǵan deıin Qyryqbaev famılıasymen belgili bolǵan. Keıin Dýbaıdan Qazaqstanǵa oralǵan soń jubaıynyń tegine ótken. Buǵan deıin ol izdeýde júrgeni habarlanǵan.

Qazirgi ýaqytta is boıynsha tergeý amaldary jalǵasýda.