تاراز قالاسىندا الماس قوجاحانوۆ ەكى ايعا قاماۋعا الىندى، دەپ حابارلايدى Dala News.

مامانداندىرىلعان تەرگەۋ سوتى ونى اسا ءىرى كولەمدە بوپسالاۋ جانە ءوزىن-وزى ولتىرۋگە جەتكىزۋ باپتارى بويىنشا كۇدىكتى دەپ تانىپ، قاماۋعا سانكسيا بەردى. سوت وتىرىسى جابىق رەجيمدە ءوتتى.

اتالعان باپتار بويىنشا جازا 7 جىلدان 15 جىلعا دەيىن، سونداي-اق قوسىمشا 3 جىلعا دەيىن باس بوستاندىعىنان ايىرۋدى كوزدەيدى.

ەسكە سالايىق، 29 ناۋرىز كۇنى تاراز كوشەلەرىنىڭ بىرىنەن ەر ادامنىڭ ءمايىتى تابىلعان. كەيىن مارقۇمنىڭ قارىزعا بايلانىستى تانىسىمەن كەزدەسۋگە شىققانى انىقتالعان.

تەرگەۋ مالىمەتىنشە، سول تانىسى الماس قوجاحانوۆ بولىپ شىققان.

ايتا كەتەيىك، ول بۇعان دەيىن قىرىقبايەۆ فاميلياسىمەن بەلگىلى بولعان. كەيىن دۋبايدان قازاقستانعا ورالعان سوڭ جۇبايىنىڭ تەگىنە وتكەن. بۇعان دەيىن ول ىزدەۋدە جۇرگەنى حابارلانعان.

قازىرگى ۋاقىتتا ءىس بويىنشا تەرگەۋ امالدارى جالعاسۋدا.