Taraz qalasynda 60 mln teńgege jýyq búdjet qarajatyn zańsyz jumsaý deregi anyqtaldy, dep habarlaıdy Dalanews.kz.

Taraz qalasynyń prokýratýrasy «T» JSHS qyzmetin tekserý barysynda kóppáterli turǵyn úıdiń ortaq múlkine kúrdeli jóndeý júrgizý úshin jasalǵan tórtjaqty kelisimshartta turǵyndardyń qoltańbalarynyń qoldan jasalǵanyn anyqtady.

Qoldanystaǵy zańnamaǵa sáıkes kondomınıým nysanynyń ortaq múlkine kúrdeli jóndeý júrgizýge merdiger uıymdy tańdaý úı keńesiniń quzyretine jatady.

Alaıda bul jaǵdaıda turǵyndarǵa merdigerdi tańdaýǵa múmkindik berilmeı, olardyń qoltańbalary qoldan jasalǵan.

2 shildede Taraz qalasy prokýratýrasynyń nusqaýymen bul derek QK-niń 385-baby 1-bóligi boıynsha Taraz qalasy PB-nyń SDTBT-na tirkelip, sotqa deıingi tergep-tekserý bastaldy.

Sonymen qatar seriktestik qyzmetin tekserý nátıjesinde, 3 mamyrda turǵyn úı-kommýnaldyq sharýashylyǵyn jańǵyrtýǵa bólingen 59 mln teńge kóleminde búdjet qarajatyn negizsiz jumsaý faktisi boıynsha QK-niń 189-baby 4-bóligimen qylmystyq is tirkeldi.

Atalǵan qylmystyq isti tergeý Jambyl oblysy boıynsha Ekonomıkalyq tergep-tekserý departamentine tapsyryldy.

QPK-niń 201-babyna sáıkes ózge aqparat jarıa etýge jatpaıdy.