تاراز قالاسىندا 60 ملن تەڭگەگە جۋىق بيۋدجەت قاراجاتىن زاڭسىز جۇمساۋ دەرەگٸ انىقتالدى, دەپ حابارلايدى Dalanews.kz.
تاراز قالاسىنىڭ پروكۋراتۋراسى «ت» جشس قىزمەتٸن تەكسەرۋ بارىسىندا كٶپپەتەرلٸ تۇرعىن ٷيدٸڭ ورتاق مٷلكٸنە كٷردەلٸ جٶندەۋ جٷرگٸزۋ ٷشٸن جاسالعان تٶرتجاقتى كەلٸسٸمشارتتا تۇرعىنداردىڭ قولتاڭبالارىنىڭ قولدان جاسالعانىن انىقتادى.
قولدانىستاعى زاڭناماعا سەيكەس كوندومينيۋم نىسانىنىڭ ورتاق مٷلكٸنە كٷردەلٸ جٶندەۋ جٷرگٸزۋگە مەردٸگەر ۇيىمدى تاڭداۋ ٷي كەڭەسٸنٸڭ قۇزىرەتٸنە جاتادى.
الايدا بۇل جاعدايدا تۇرعىندارعا مەردٸگەردٸ تاڭداۋعا مٷمكٸندٸك بەرٸلمەي, ولاردىڭ قولتاڭبالارى قولدان جاسالعان.
2 شٸلدەدە تاراز قالاسى پروكۋراتۋراسىنىڭ نۇسقاۋىمەن بۇل دەرەك قك-نٸڭ 385-بابى 1-بٶلٸگٸ بويىنشا تاراز قالاسى پب-نىڭ سدتبت-نا تٸركەلٸپ, سوتقا دەيٸنگٸ تەرگەپ-تەكسەرۋ باستالدى.
سونىمەن قاتار سەرٸكتەستٸك قىزمەتٸن تەكسەرۋ نەتيجەسٸندە, 3 مامىردا تۇرعىن ٷي-كوممۋنالدىق شارۋاشىلىعىن جاڭعىرتۋعا بٶلٸنگەن 59 ملن تەڭگە كٶلەمٸندە بيۋدجەت قاراجاتىن نەگٸزسٸز جۇمساۋ فاكتٸسٸ بويىنشا قك-نٸڭ 189-بابى 4-بٶلٸگٸمەن قىلمىستىق ٸس تٸركەلدٸ.
اتالعان قىلمىستىق ٸستٸ تەرگەۋ جامبىل وبلىسى بويىنشا ەكونوميكالىق تەرگەپ-تەكسەرۋ دەپارتامەنتٸنە تاپسىرىلدى.
قپك-نٸڭ 201-بابىنا سەيكەس ٶزگە اقپارات جارييا ەتۋگە جاتپايدى.
