Jambyl oblysynda áiel 5 jáne 3 jastaǵy balalaryn besinshi qabattan laqtyryp jibergen, dep habarlaidy Dalanews.kz.
Jambyl oblysy Politsiia departamenti málimetinshe, bul derek boiynsha sotqa deiingi tergeý amaldary bastalǵan.
"Kúdikti anyqtalyp, ustaldy jáne ýaqytsha ustaý izoliatoryna qamaýǵa alyndy. Kámeletke tolmaǵan eki bala aýrýhanaǵa jetkizildi. Qazirgi ýaqytta keshendi tergeý is-sharalary júrgizilip jatyr", - dedi politsiia.
Tergep-tekserý nátijeleri boiynsha Qazaqstan Respýblikasy zańnamasynyń talaptaryna sáikes protsessýaldyq sheshim qabyldanatyny aityldy.
Óńirdiń Densaýlyq saqtaý basqarmasy málimetine súiensek, 2021, 2023 jyly týǵan balalar statsionarǵa bas-mi jaraqatymen jáne midyń jedel isinýi diagnozdarymen túsken.
