جامبىل وبلىسىندا ايەل 5 جانە 3 جاستاعى بالالارىن بەسىنشى قاباتتان لاقتىرىپ جىبەرگەن، دەپ حابارلايدى Dalanews.kz.
جامبىل وبلىسى پوليسيا دەپارتامەنتى مالىمەتىنشە، بۇل دەرەك بويىنشا سوتقا دەيىنگى تەرگەۋ امالدارى باستالعان.
"كۇدىكتى انىقتالىپ، ۇستالدى جانە ۋاقىتشا ۇستاۋ يزولياتورىنا قاماۋعا الىندى. كامەلەتكە تولماعان ەكى بالا اۋرۋحاناعا جەتكىزىلدى. قازىرگى ۋاقىتتا كەشەندى تەرگەۋ ءىس-شارالارى جۇرگىزىلىپ جاتىر"، - دەدى پوليسيا.
تەرگەپ-تەكسەرۋ ناتيجەلەرى بويىنشا قازاقستان رەسپۋبليكاسى زاڭناماسىنىڭ تالاپتارىنا سايكەس پروسەسسۋالدىق شەشىم قابىلداناتىنى ايتىلدى.
ءوڭىردىڭ دەنساۋلىق ساقتاۋ باسقارماسى مالىمەتىنە سۇيەنسەك، 2021، 2023 جىلى تۋعان بالالار ستاسيونارعا باس-مي جاراقاتىمەن جانە ميدىڭ جەدەل ءىسىنۋى دياگنوزدارىمەن تۇسكەن.
