Taraz ákimdigi oryndalmaǵan jumysqa 75 mln teńge qarajat jumsaǵan

Qarakóz Amantaı 04 sáý. 2024 11:47 3038

Jambyl oblysynda prokýrorlar jasalmaǵan jumys úshin búdjetten qarajat tólený deregin anyqtady, dep habarlaıdy Dalanews.kz.

Taraz qalasynyń prokýratýrasy búdjet qarajatynyń jumsalýy zańdylyǵyna júrgizgen tekserýdiń nátıjecinde Taraz qalasy ákimdiginiń turǵyn-úı komýnaldyq sharýashylyq, jolaýshylar kóligi jáne avtomobıl joldary bólimimen ázirlenbegen 4 smetalyq qujattama úshin 75 mln teńgeni negizsiz merdigerge aýdarǵanyn anyqtady.

"Atalǵan derek boıynsha qala prokýratýrasy QK-niń 189-baby 4-bóliginiń 2-tarmaǵymen (senip tapsyrylǵan bóten múlikti ıemdenip alý nemese talan tarajǵa salý) qylmystyq is tirkedi. Tergep-tekserýdi júrgizý Sybaılas jemqorlyqqa qarsy is qımyl agenttiginiń Jambyl oblysy boıynsha departamentine tapsyryldy", - delingen habarlamada.

Búginde tergeý amaldary júrgizilýde. QPK-niń 201-babyna sáıkes ózge aqparattar jarıalanbaıdy.


Usynylǵan
Sońǵy jańalyqtar
x