Resei Federatsiiasy Armeniia halqyn Úkimetti qulatýǵa shaqyrǵan. Bul týraly Armeniia premer-ministri Nikol Pashinian France 24 telearnasyna bergen suhbatynda málimdedi, dep habarlaidy Dalanews.kz.
"Birneshe ai buryn Resei armian halqyn ashyq túrde bilikti qulatýǵa shaqyrdy. Buǵan bailanysty Máskeýdiń júrgizip jatqan úgit-nasihaty áli de jalǵasýda. Meni Armeniiadaǵy reseilik dezertir Dmitrii Setrakovty reseilik sarbazdardyń urlap áketkeni qatty alańdatady. Biz óz aýmaǵymyzǵa baǵyttalǵan zańsyz áreketterge shydai almaimyz. Eger Erevannyń talaptary jaýapsyz qalsa, onyń mindetti túrde saldary bolady. Armeniianyń Máskeý basqaratyn UQShU-ǵa qatysýy toqtatyldy", - dedi Pashinian.
Eske salaiyq, buǵan deiin Armeniia premer-ministri Nikol Pashinian Erevannyń UQShU-ǵa músheligin toqtatqanyn málimdegen bolatyn. France 24 telearnasyna bergen suhbatynda ol Armeniiaǵa qatysty ujymdyq qaýipsizdik týraly shart oryndalmaǵanyn atap ótti.
"Bizdiń oiymyzsha, Armeniiaǵa qatysty ujymdyq qaýipsizdik týraly shart, ásirese, 2021-2022 jyldary oryndalmady. Bul másele bizdiń nazarymyzdan tys qalmady. Biz osy shartqa qatysýdy toqtattyq. Ary qarai ne bolatynyn kóreiik", - dedi Pashinian suhbatynda.
