Kýveit aqparat agenttigi iri munai tankerine shabýyl jasalǵanyn habarlaǵannan keiin munai baǵasy kúrt kóterildi, dep habarlaidy Dala News.
Syiymdylyǵy shamamen 2 mln barrel bolatyn tankerdiń quny qazirgi baǵamen 200 mln dollardan asady. Keme iesi Kuwait Petroleum Corp. kompaniiasy zaqym kólemin baǵalaý júrip jatqanyn jáne munai tógilý qaýpi bar ekenin málimdedi.
Keiin Dýbai biligi tankerdegi órt baqylaýǵa alynǵanyn habarlap, zardap shekkender joq ekenin jetkizdi.
Oqiǵa aiasynda Taiaý Shyǵysta jaǵdai ýshyǵyp otyr. Aimaqta AQSh áskeriniń kúsheitilýi jalǵasýda, al Iranmen bailanysty hýsitter Izrailge zymyrandar men drondarmen soqqy jasaǵan.
Sondai-aq Túrkiia Irannan ushyrylǵan ballistikalyq zymyrannyń el áýe keńistigine kirgenin, keiin NATO júieleri arqyly joiylǵanyn málimdedi.
Aq úi ókili Kerolain Levittiń aitýynsha, Donald Tramp 6 sáýirge deiin Iranmen kelisimge kelýdi kózdegen. Kelisim bolmasa, Irannyń energetikalyq nysandaryna soqqy jasalýy múmkin ekeni aitylǵan.
