Memleket basshysy Qasym-Jomart Toqaev Qazaqstan halqy Assambleiasynyń kezekti HHHIV sessiiasynda sóilegen sózinde USAID qyzmetine pikir bildirdi, - dep habarlaidy Dalanews.kz.
"Jaqynda sheteldik úkimettik emes uiymdardyń áreketteri áshkerelendi. Sonda olardyń aram nieti, ashkózdigi men Qazaqstanǵa jany ashymaityny anyq kórindi. Sondai-aq keibir tanymal qazaqstandyq grant alýshylardyń kóleńkeli áreketteri de belgili boldy. Qazaqstanda problema joq demeimiz. Árine, basqa elderdegidei bizde de túitkilder bar. Biraq biz ony áldekimderdiń ádistemesimen emes, ózimizdiń ulttyq múddemiz ben zańnama aiasynda sheshemiz. Osyndai qisyndy áreketterimizdi halqymyzdyń basym kópshiligi men nieti adal halyqaralyq seriktesterimiz durys túsinetinine senimdimin.
Ideologiialyq óshpendilik – bizdiń dúnietanymymyzǵa múlde jat. Dástúrimiz ben qundylyqtarymyz, bolmysymyz ben ómir saltymyz ultymyzdy birtutas tarihi-mádeni jáne saiasi qaýym retinde biriktirip, tutastyǵyn bekemdeidi", - dedi Toqaev.
