Oligarh Sergei Kannyń áieli, kásipker Janna Kan elde turaqsyzdyq bolmaýy úshin salyq tóleý qajettigin aitty, dep habarlaidy Dalanews.kz.
«Biz salyq tóleýge daǵdylanbaǵanbyz, memleket biz úshin bóten nárse siiaqty: qaida ketip jatqanyn túsinbeimiz. Biraq álemde zań osylai jumys isteidi: eger bermeseń, eshteńe almaisyń. Bul ekonomikanyń jaǵdaiynan da, damýdyń deńgeiinen de kórinip tur. (…) Mysaly, Shveitsariiaǵa, Amerikaǵa, Frantsiiaǵa qarańyzdar: onda aqshanyń basym bóligi salyqqa ketedi. Biraq adamdar oǵan úirengen, óitkeni keiin ol salyqtar ózderine qaityp keledi. (…)
Biraq, bilesizder me, salyq tólegen áldeqaida jaqsy. Áitpese turaqsyz memlekette ómir súresiń: kez kelgen sátte jańa «Qańtar» bolyp ketýi múmkin nemese bireý biznesińdi tartyp alýy yqtimal. Erteń turaqsyzdyq bolýy múmkin, tipti soǵys bastalyp ketýi ǵajap emes», – dedi Janna Kan.
Aita keteiik, Janna Kannyń kúieýi – oligarh Sergei Kan men onyń seriktesi Aleksandr Klebanov ártúrli kúmándi shemalar men energetikalyq kásiporyndardaǵy, sonyń ishinde Ekibastuzdaǵy JEO-daǵy problemalar úshin synǵa ushyraǵan bolatyn.
