Tanymal kásipker Jumabek Janyqulov akademik Asqar Jumadildaevqa kólik syilady, dep habarlaidy Dalanews.kz.
Erekshe sáttiń videosy kásipker Syrymbek Taýdyń áleýmettik jelidegi paraqshasynda jariialandy.
"Asqar Serqululy Jumadildaev aǵamyzǵa tosynsyi! Qazaqtyń tiri qazynasynyń biri, ardaqty ustazymyz Asqar Serqululy Jumadildaev 70 jasqa toldy. Osy mereitoiyna orai Jumabek Janyqulov aǵamyz erekshe tosynsyi jasap, aǵamyzǵa Hyundai Palisade kóligin mingizdi. Aǵamyzdy mereili jasymen shyn júrekten quttyqtaimyz! Denine saýlyq, uzaq ǵumyr tileimiz!" - dep jazdy ol.
Jeli qoldanýshylary ǵalymdy mereili jasymen quttyqtap, jyly lebizin jazyp jatyr:
"Qandai keremet! Aǵamyzdy qurmettegenińizge sheksiz alǵys!", "Asyldarymyzdyń kózi tirisinde qadirin bileiik osylai", "Bárekeldi, berýshige de, alýshyǵa da syiapat qaiyrly bolsyn", "Jaraisyzdar, el aǵalary".
Aita keteiik, Qazaqstannyń kórnekti matematigi, fizika-matematika ǵylymdarynyń doktory, professor, QR UǴA akademigi, qoǵam qairatkeri Asqar Jumadildaev - Qazaqstanda ǵana emes, halyqaralyq deńgeide de tanymal ǵalym. Akademik Soltústik Amerika jáne Eýropanyń kóptegen elinde dáris oqyǵan.
Ǵalymnyń negizgi zertteý salasy - algebra jáne differentsialdyq teńdeýler. Ol 1988 jyly fizika-matematika ǵylymdarynyń doktory ataǵyn aldy. 1995 jyly Qazaqstan Respýblikasynyń Ulttyq ǵylym akademiiasynyń akademigi bolyp sailandy.
Asqar Jumadildaevtiń eńbekteri joǵary deńgeili halyqaralyq ǵylymi basylymdarda jaryq kórgen, onyń jumystaryn sheteldik matematikter de joǵary baǵalaidy.
