Almaty qalasy Medeý aýdandyq sotynyń burynǵy sýdiasy Svetlana Jolmanovaǵa qatysty qylmystyq is aiasynda ondaǵan epizod tergelip jatyr, dep habarlaidy Dalanews.kz Ulysmedia.kz-ke siltep.
Bul týraly Ulysmedia tilshisine tek úsh jábirlenýshiniń múddesin qorǵap otyrǵan advokat Radmir Ótepov aitty. Onyń sózinshe, Jolmanovaǵa qatysty 50 epizod boiynsha tergeý júrgizilip jatyr.
"Is aiaqtalýǵa jaqyn. Svetlana Jolmanovaǵa qatysty 50 epizod tergelip jatyr. Barlyq dálel jinaldy, saraptamalar júrgizildi", – dedi ol.
Eske salaiyq, byltyr 9 qazanda buryn alaiaqtyq jasady degen sýdia Svetlana Jolmanova qaitadan ustalǵan bolatyn.
Bul aqparatty Almaty qalalyq Politsiia departamenti aqparatty rastady.
"Medeý aýdandyq politsiia Basqarmasy alaiaqtyq deregi boiynsha qylmystyq is qozǵady. Kúdikti politsiiaǵa jetkizildi. Tergeý sharalary júrgizilip jatyr", – dedi Almaty qalasy Politsiia departamentiniń resmi ókili Saltanat Ázirbek.
Aita keteiik, 2021 jyldyń 28 sáýirinde Almaty qalasy Medeý aýdandyq sotynyń sýdiasy Svetlana Jolmanova alaiaqtyq jasady degen kúdikke ilindi.
Tintý kezinde sýdianyń kabinetinen 10 myń dollar tárkilengen. Ol sot sheshimderin belgili bir adamdardyń paidasyna shyǵarýǵa kómektesken.
29 sáýirde Joǵarǵy sot tóraǵasynyń ókimimen Svetlana Jolmanovanyń ókilettigi toqtatyldy.
