الماتى قالاسى مەدەۋ اۋداندىق سوتىنىڭ بۇرىنعى سۋدياسى سۆەتلانا جولمانوۆاعا قاتىستى قىلمىستىق ٸس اياسىندا ونداعان ەپيزود تەرگەلٸپ جاتىر, دەپ حابارلايدى Dalanews.kz Ulysmedia.kz-كە سٸلتەپ.
بۇل تۋرالى Ulysmedia تٸلشٸسٸنە تەك ٷش جەبٸرلەنۋشٸنٸڭ مٷددەسٸن قورعاپ وتىرعان ادۆوكات رادمير ٶتەپوۆ ايتتى. ونىڭ سٶزٸنشە, جولمانوۆاعا قاتىستى 50 ەپيزود بويىنشا تەرگەۋ جٷرگٸزٸلٸپ جاتىر.
"ٸس اياقتالۋعا جاقىن. سۆەتلانا جولمانوۆاعا قاتىستى 50 ەپيزود تەرگەلٸپ جاتىر. بارلىق دەلەل جينالدى, ساراپتامالار جٷرگٸزٸلدٸ", – دەدٸ ول.
ەسكە سالايىق, بىلتىر 9 قازاندا بۇرىن الاياقتىق جاسادى دەگەن سۋديا سۆەتلانا جولمانوۆا قايتادان ۇستالعان بولاتىن.
بۇل اقپاراتتى الماتى قالالىق پوليتسييا دەپارتامەنتٸ اقپاراتتى راستادى.
"مەدەۋ اۋداندىق پوليتسييا باسقارماسى الاياقتىق دەرەگٸ بويىنشا قىلمىستىق ٸس قوزعادى. كٷدٸكتٸ پوليتسيياعا جەتكٸزٸلدٸ. تەرگەۋ شارالارى جٷرگٸزٸلٸپ جاتىر", – دەدٸ الماتى قالاسى پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەك.
ايتا كەتەيٸك, 2021 جىلدىڭ 28 سەۋٸرٸندە الماتى قالاسى مەدەۋ اۋداندىق سوتىنىڭ سۋدياسى سۆەتلانا جولمانوۆا الاياقتىق جاسادى دەگەن كٷدٸككە ٸلٸندٸ.
تٸنتۋ كەزٸندە سۋديانىڭ كابينەتٸنەن 10 مىڭ دوللار تەركٸلەنگەن. ول سوت شەشٸمدەرٸن بەلگٸلٸ بٸر ادامداردىڭ پايداسىنا شىعارۋعا كٶمەكتەسكەن.
29 سەۋٸردە جوعارعى سوت تٶراعاسىنىڭ ٶكٸمٸمەن سۆەتلانا جولمانوۆانىڭ ٶكٸلەتتٸگٸ توقتاتىلدى.
