Kegen aýdanyndaǵy referendým ýchaskeleri múmkindigi shekteýli azamattardyń da tańdaý jasaýyna qolaily etip jasaqtalǵan, dep habarlaidy Dalanews.kz.
Kórý jáne estý qabileti nashar azamattar úshin jańa Konstitýtsiia jobasynyń aýdio jáne brail qarpi túrinde jazylǵan nusqalary bar. Bul elimizdegi barlyq sailaý ýchaskesinde bolady. Densaýlyǵyna bailanysty kele almaitynyn sailaýshylarǵa referendým kezinde komissiia músheleri olardyń úiine arnaiy barady.
Múmkindigi shekteýli jandar eldegi saiasi ózgeristerge ún qosyp, qoǵamdyq jumystarǵa belsene aralasyp keledi. Sondyqtan da saiasi naýqan kezinde olardyń daýys berýi úshin bar múmkindikti jasaýymyz qajet. Ǵimarat aldyndaǵy pandýstar talapqa sai, ári kórý qabileti nashar adamdar úshin edenge jolbaǵdar ornatylǵan. Búgingi referendýmda múmkindigi shekteýli jandar óz tańdaýyn jasaýda,- deidi Almaty oblystyq Jumyspen qamtýdy úilestirý jáne áleýmettik baǵdarlamalar basqarmasy basshysynyń orynbasary Baiqonys Erjan Dildanuly.
Respýblikalyq referendým kezinde barlyq ýchaskede múgedektigi bar adamdarǵa arnalǵan arnaiy buryshtar bolady. Bul buryshqa arnaiy kompiýter, ulǵaitqysh quraldar, qulaqqaptar jáne ózge de qurylǵylar qoiylady.
Sondai-aq, aýdanda invataksi qyzmeti uiymdastyrylǵan.
Osy oraida, úiden arnaýly áleýmettik qyzmet alýshy Naǵima Talasbaevanyń pikirin bilgen edik.
– Búgin úige kelgen sailaý jáshigi, men úshin erekshe áser qaldyrdy. Úide daýys beretin adam retinde meniń daýsymnyń qanshalyqty mańyzdy ekenin baiqatty. Árbir azamattyń pikiri memleket úshin qundy, al meniń oiym men tańdaýym da eldiń bolashaǵyna áser etedi. Jańa Konstitýtsiia árbir adamnyń quqyǵyn qorǵaýǵa baǵyttalǵanyn kórsetedi. Sondyqtan óz pikirimdi ashyq aitý jáne daýys berý -meniń boryshym ǵana emes, sonymen birge qýanyshty paryzym. El damýy- árbirimizdiń belsendiligimizge bailanysty deidi,- Naǵima Talasbaeva.
