Memleket basshysy Nursultan Ábishuly Nazarbaevtyń salamatty qoǵamdy qalyptastyrý saiasatyn qoldaý, salaýatty ómir saltyn nasihattaýdy maqsat tutqan sporttyq shara barysynda arqan tartý, voleibol, qazaq kúresi, jeńil atletika, velojarys, ústel tennisi, shahmat, toǵyzqumalaq, qol kúresi sporttyq oiyn túrleri boiynsha jarystar uiymdastyrylyp, rektorat qurama komandasymen qatar barlyq institýttardan 7 komanda qatysty.
Eki kúnge sozylǵan sporttyq festivaldiń qorytyndysy boiynsha jalpy komandalyq esepte qyzmetkerler men professor-oqytýshylar quramy arasynda uiymdastyrylǵan sporttyq oiyndar nátijesi boiynsha III orynǵa 19 upaimen Jaratylystaný jáne geografiia institýty, II orynǵa 22 upaimen Óner, mádeniet jáne sport institýty ornalassa, 25 upai jinaǵan Pedagogika jáne psihologiia institýtynyń komandasy I oryn júldegeri atandy.
Stýdentter arasynda uiymdastyrylǵan sporttyq oiyndar nátijesi boiynsha jalpy komandalyq esepte 19 upaimen III oryndy Matematika, fizika jáne informatika institýty, 23 upaimen II oryndy Sorbonna-Qazaqstan institýtynyń komandasy ielense, 24 upai jinaǵan Jaratylystaný jáne geografiia institýtynyń komandasy I oryndy jeńip aldy.Barlyq jeńimpaz atanǵan komandalar ýniversitet rektorynyń gramotasy jáne kýbogymen marapattaldy.
Tuńǵysh Prezident kúnine orailastyrylǵan bul shara jastardyń sportqa degen qyzyǵýshylyǵyn arttyryp, ujymdyq birlikti nyǵaita tústi.
Abai atyndaǵy QazUPÝ-diń Tárbie, áleýmettik jumystar jáne jastar saiasaty jónindegi departament
