Vitse-premer Tamara Dúisenova Batys Qazaqstan oblysyna jumys saparynda Qaratóbe aýdanynda «Aýyl amanaty» baǵdarlamasyn iske asyrý sheńberinde aýyl sharýashylyǵy kooperatsiiasynyń tabysty tájiribesimen tanysty.
Qaratóbe aýdany Qoskól aýylyndaǵy 227 aýlanyń barlyǵy «Jeńis Erhan» kooperativine birigip, óz óndirisin damytýda.
Memlekettik qoldaý sharalary fermerlerge 200 sútti siyr men 900-ge jýyq qoi satyp alýǵa múmkindik berdi. Biyl kooperativ tehnikany lizing arqyly jańartqan.
Qazir fermerler aýyl sharýashylyǵy ónimderin óńdeýdi birlesip damytýda. Qoskól aýylynda óndirilgen sút jáne et ónimderi jergilikti naryqta úlken suranysqa ie.
Tamar Dúisenovaǵa taýarly-sút fermasyn odan ári keńeitý úshin qurylys jumysy bastalǵanyn habarlady.
Vitse-premer aýyl sharýashylyǵy kooperatsiiasynyń tiimdi tájiribesine oń baǵa berip, BQO-na «Aýyl amanaty» baǵdarlamasy aiasynda respýblikalyq biýdjetten qosymsha 1 mlrd teńge bólingenin jetkizdi.
Bul qarajatty mal basyn kóbeitý úshin ǵana emes, basqa baǵyttardy damytý úshin de paidalaný qajet ekendigi atap ótildi.
