ۆيسە-پرەمەر تامارا دۇيسەنوۆا باتىس قازاقستان وبلىسىنا جۇمىس ساپارىندا قاراتوبە اۋدانىندا «اۋىل اماناتى» باعدارلاماسىن ىسكە اسىرۋ شەڭبەرىندە اۋىل شارۋاشىلىعى كووپەراسياسىنىڭ تابىستى تاجىريبەسىمەن تانىستى.
قاراتوبە اۋدانى قوسكول اۋىلىنداعى 227 اۋلانىڭ بارلىعى «جەڭىس ەرحان» كووپەراتيۆىنە بىرىگىپ، ءوز ءوندىرىسىن دامىتۋدا.
مەملەكەتتىك قولداۋ شارالارى فەرمەرلەرگە 200 ءسۇتتى سيىر مەن 900-گە جۋىق قوي ساتىپ الۋعا مۇمكىندىك بەردى. بيىل كووپەراتيۆ تەحنيكانى ليزينگ ارقىلى جاڭارتقان.
ءقازىر فەرمەرلەر اۋىل شارۋاشىلىعى ونىمدەرىن وڭدەۋدى بىرلەسىپ دامىتۋدا. قوسكول اۋىلىندا وندىرىلگەن ءسۇت جانە ەت ونىمدەرى جەرگىلىكتى نارىقتا ۇلكەن سۇرانىسقا يە.
تامار دۇيسەنوۆاعا ءتاۋارلى-سۇت فەرماسىن ودان ءارى كەڭەيتۋ ءۇشىن قۇرىلىس جۇمىسى باستالعانىن حابارلادى.
ۆيسە-پرەمەر اۋىل شارۋاشىلىعى كووپەراسياسىنىڭ ءتيىمدى تاجىريبەسىنە وڭ باعا بەرىپ، بقو-نا «اۋىل اماناتى» باعدارلاماسى اياسىندا رەسپۋبليكالىق بيۋدجەتتەن قوسىمشا 1 ملرد تەڭگە بولىنگەنىن جەتكىزدى.
بۇل قاراجاتتى مال باسىن كوبەيتۋ ءۇشىن عانا ەمەس، باسقا باعىتتاردى دامىتۋ ءۇشىن دە پايدالانۋ قاجەت ەكەندىگى اتاپ ءوتىلدى.
