QR Qarjy naryǵyn retteý jáne damytý agenttigi 6 jeltoqsanda Talǵat Qýanyshevtyń "ForteBank"AQ Basqarma Tóraǵasy — Basqarma múshesi laýazymyna kelýine kelisimin berdi, dep jazady Dalanews.kz.
Búgin QNRDA saıtynda osyndaı aqparat jarıalandy. Onyń bul laýazymǵa taǵaıyndalatyndyǵy týraly BAQ-tarǵa 1 qarashada belgili boldy. Buǵan deıin ol banktiń dırektorlar keńesiniń múshesi bolǵan.
Talǵat Qýanyshevtiń bank sektorynda 30 jyldan asa, sondaı-aq M&A-da kelisimder júrgizý boıynsha da tájirıbesi bar. Onyń ústine búgingi tańda ol Qazaqstan rezıdenti bolyp tabylmaıdy. AQSH azamattyǵyn alǵanyna biraz jyl bolǵan. Forbes.kz málimetinshe, ol Qazaqstanda bolý úshin jumys vızasyn jasatqan, ázirge úsh jylǵa.
Aıta ketsek, ForteBank aktıvteriniń kólemi boıynsha Qazaqstandaǵy bankter arasynda besinshi orynda. 1 qazandaǵy jaǵdaı boıynsha kórsetkish 4,1 trln teńgege teń. Banktiń úsh aıdaǵy paıdasy 113,3 mlrd teńgeni qurady. Onyń aksıalarynyń 89,01%-y Bolat Ótemuratovqa tıesili.
