ق ر قارجى نارىعىن رەتتەۋ جانە دامىتۋ اگەنتتىگى 6 جەلتوقساندا تالعات قۋانىشيەۆتىڭ "ForteBank"اق باسقارما ءتوراعاسى — باسقارما مۇشەسى لاۋازىمىنا كەلۋىنە كەلىسىمىن بەردى، دەپ جازادى Dalanews.kz.
بۇگىن قنردا سايتىندا وسىنداي اقپارات جاريالاندى. ونىڭ بۇل لاۋازىمعا تاعايىندالاتىندىعى تۋرالى باق-تارعا 1 قاراشادا بەلگىلى بولدى. بۇعان دەيىن ول بانكتىڭ ديرەكتورلار كەڭەسىنىڭ مۇشەسى بولعان.
تالعات قۋانىشيەۆتىڭ بانك سەكتورىندا 30 جىلدان اسا، سونداي-اق M&A-دا كەلىسىمدەر جۇرگىزۋ بويىنشا دا تاجىريبەسى بار. ونىڭ ۇستىنە بۇگىنگى تاڭدا ول قازاقستان رەزيدەنتى بولىپ تابىلمايدى. اقش ازاماتتىعىن العانىنا ءبىراز جىل بولعان. Forbes.kz مالىمەتىنشە، ول قازاقستاندا بولۋ ءۇشىن جۇمىس ۆيزاسىن جاساتقان، ازىرگە ءۇش جىلعا.
ايتا كەتسەك، ForteBank اكتيۆتەرىنىڭ كولەمى بويىنشا قازاقستانداعى بانكتەر اراسىندا بەسىنشى ورىندا. 1 قازانداعى جاعداي بويىنشا كورسەتكىش 4،1 ترلن تەڭگەگە تەڭ. بانكتىڭ ءۇش ايداعى پايداسى 113،3 ملرد تەڭگەنى قۇرادى. ونىڭ اكسيالارىنىڭ 89،01%-ى بولات وتەمۇراتوۆقا تيەسىلى.
