Talǵarda bir top buzaqynyń qolynan qaza tapqan 16 jastaǵy Sherzat Bolattyń jaqyndary memleket basshysy Qasym-Jomart Toqaevqa úndeý jasady, dep habarlaidy Dalanews.kz.
Belgili bloger Jan Ahmadiev marqum Sherzat Bolattyń qara shańyraǵyna baryp, jaqyndarynyń ýájin tyńdap, áleýmettik jelidegi paraqshasyna olardyń memleket basshysyna jasaǵan úndeýin jariialady.
“Qurmetti Qasym-Jomart Toqaev, Sherzatty jer qoinaýyna tapsyrǵaly 40 kún ótti. Dál qazir Sherzattyń shańyraǵyndamyz. Qazirgi tańda eshqandai ózgeris joq. Sol sebepti Sherzattyń jaqyndarynyń sizge aitar úndeýi bar”, - deidi bloger.
Marqum Sherzattyń ájesi Jumabike Nurymova nemeresiniń isi jyly jabylyp kete me dep alańdap otyr.
“Nurqiias degen jigittiń buǵan deiin ústinen 7-8 ret is qozǵalyp, 3 adamnyń ólimine jáne 4 adamnyń múgedek bolýyna sebepker bolǵan eken. Onyń burynǵy isteriniń jabylyp ketýine bailanysty mende qorqynysh bar. Sondyqtan ashyq sotty talap etemiz. Sebebi bul joly da jazadan jaltyryp ketýi ábden múmkin”, - deidi ájesi.
Marqumnyń ápkesi kýáger retinde qaralyp jatqan eki áieldiń de jazaǵa tartylýyn talap etýde.
“Eshkim jazasyz qalmasyn! Kýáger retinde tirkelgen eki qyz da jazasyn alýy kerek. Olar kýáger emes. Munda kýáger - ákesi, sheshesi, ájesi, kórshi-qolańdarymyz. Bul jerde qyzdar kýáger emes. Búgin meniń baýyrymdy óltirdi, erteń bular kimniń baýyryn óltiredi?”, - deidi Baqyt Reimova.
Qazirgi tańda marqum Sherzattyń jaqyndarynyń bir ǵana tilegi bar. Olar istiń ashyq sotta qaralýyn surap otyr.
“Áje retinde, apasy retinde, aq jaýlyqty ana retinde barlyq ananyń atynan, Gúlbardyń shyrqyraǵan daýysynan eń ádil sot, ashyq sot bolýyn suraimyn!”, - deidi marqumnyń ájesi.
“Ashyq sot bolmasa, istiń burmalanyp ketetinine júz paiyz senimdimin. Qorqynyshymyzdyń sebebi de - osy. Sondyqtan úndeý jasap jatyrmyz. Jańa Qazaqstannyń zaiyrly memleket ekenin kórsetetin ashyq sot bolýyna múmkindik berse eken deimiz”, - deidi Sherzattyń ápkesi Perizat Nurymova.
Marqumnyń ápkesi Baqyt Reimovanyń sózinshe, Sherzattyń ákesi men anasynyń qazirgi jaǵdaiy aýyr. Olar kúndiz kúlkiden, túnde uiqydan aiyrylǵan.
“Jan-dúniemiz bir Allaǵa ǵana málim. Aǵam óziniń mańdai terimen jetken dúniesinen aiyrylyp otyr. Mine, qazir balasy joq, ne úii joq, ne dúkeni joq. Biz úshin bul - qasiret. Jylaiyn desek jas ta qalmady. Qazir aǵamyz ben jeńgemiz úshin qatty alańdap otyrmyz. Olar qiyn kúnderdi bastan ótkerip jatyr. Sol sebepti ádil sotty talap etemiz!”, - dedi marqumnyń ápkesi.
Aita keteiik, búgin májilis depýtaty Nartai Sársenǵaliev 16 jastaǵy Sherzat Bolattyń qaiǵyly qazasyna bailanysty Bas prokýratýraǵa depýtattyq saýal joldaǵanyn málimdedi.
Ol bul týraly áleýmettik jelidegi paraqshasynda aitty.
“Sherzat baýyrymyz kóz jumǵan Talǵardaǵy tragediiaǵa qatysty depýtattyq saýal joldaǵan edim. Jaýaby keldi. Almaty oblysynyń Talǵar aýdandyq PB QK-niń 99-baby 2-bóliginiń 5,7,9,14) tarmaqtarymen tergep-tekserýdi bastaǵan (asa qatygezdikpen jasalǵan, adamdar tobynyń, aldyn ala sóz bailasýymen, buzaqylyq nietpen, kórineý kəmeletke tolmaǵan adamdy óltirý). Oǵan qosa QR QK-niń 293-baby 3-bóligi (buzaqylyq, pyshaqtardy nemese ózge de sýyq qarýdy qoldanyp jasalǵan is-əreketter) jəne QK-niń 434-baby boiynsha (qylmys týraly habarlamaý) qylmystyq ister tirkelgen (bir is júrgizýge biriktirildi)”, - delingen Bas prokýratýra jaýabynda.
Qazirgi ýaqytta is boiynsha 11 kúdikti ustalyp, olardy kúzetpen ustaý sharasy sanktsiialanǵan.
Búginde qylmystyq is sheńberinde tiisti saraptamalar taǵaiyndaldy, oryn alǵan oqiǵanyń mən-jailaryn anyqtaýǵa baǵyttalǵan tergeý əreketteri júrgizilýde. Olardyń nətijeleri boiynsha quqyqtyq baǵa berilip, protsestik sheshim qabyldanatyn bolady. Saýalda kórsetilgen Almaty, Mańǵystaý, Shyǵys Qazaqstan, Pavlodar jəne Aqtóbe oblystarynda oryn alǵan qylmystyq quqyq buzýshylyqtardy tergeý barysy qatań baqylaýda, - delingen jaýapta.
Bas prokýratýra nətijesi boiynsha protsestik sheshim qabyldanatynyn málimdedi.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
15 qazanda Ishki ister vitse-ministri taǵy úsh kúdiktini ustaǵanyn málim etti.
Al 18 qazanda taǵy bir kúdiktini qolǵa túsirdi.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
