QR ishki ister ministriniń buiryǵymen Talǵar aýdany politsiia basqarmasynyń bastyǵy laýazymy qyzmetine politsiia podpolkovnigi Aidar Omarov taǵaiyndaldy, dep habarlaidy Dalanews.kz.
"Qazaqstan Respýblikasy ishki ister ministriniń buiryǵy boiynsha Talǵar aýdany Politsiia basqarmasy bastyǵynyń mindetin atqarýshy laýazymyna politsiia podpolkovnigi Omarov Aidar Ábdikerimuly taǵaiyndaldy", – dep habarlady Almaty oblysy Politsiia departamentiniń baspasóz qyzmeti.
Eske salaiyq, 4 qazanda Talǵarda bir top buzaqynyń qolynan 16 jastaǵy jasóspirim kóz jumdy. Qaiǵyly oqiǵa bolǵan túni Sherzat Bolat dúkende jumys isteitin ákesine kómektesýge kelgen.
Kámeletke tolmaǵan balany óltirý deregi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵandar ustalyp, ýaqytsha ustaý izoliatoryna qamaýǵa alyndy.
Sonymen qatar Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Jasóspirimniń óliminen keiin Almaty oblysynda birqatar joǵary laýazymdy politsei qyzmetinen bosatyldy.
Onyń qatarynda Almaty oblysy prokýrorynyń orynbasary men Talǵar aýdanynyń prokýrory da bar.
Sonymen qatar, Talǵar aýdany ákimi apparatynyń basshysy, Hasan Qasymbaevtyń aǵasy Aslan Qasymbaev qyzmetinen ketti.
Al politsiia qyzmeti basqarmasynyń bastyǵy laýazymyna Abdýnýr Tasybaev jáne Uiymdasqan qylmysqa qarsy kúres basqarmasynyń bastyǵyna Baijan Satylǵanov taǵaiyndaldy. Meiram Ábikeev Almaty oblysy Politsiia departamentiniń bastyǵy boldy.
