Bul týraly nur.kz habarlaıdy.
Aqynnyń oıynsha, bul ádetter shaıtannyń adamdardy Jaratýshysynan aıyrýy dep sanalady.
«Adam ádiletsiz. Ol joq boldy emes pe, keıin Alla ony tamshy qyldy, keıin oǵan dene múshelerin berdi. Árbir músheni bólip aıtpaǵanda, ózi soǵan oılansa, rasynda adamnyń qurylysy ǵajaıyp ekenin kóredi. Ol jatyrda bolǵanda, ony kindik arqyly tamaqtandyrdy, keıin týylyp, kindik shegi úzilgende, ol úshin anasynyń keýdesin sútke toltyrdy, oǵan emýdi úıretti, keıin ony keýdeden aıyrǵanda, oǵan tis berdi, kúsh berdi, aspannan jańbyr jaýdyryp, jerden ártúrli jemis-jıdekter, ósimdikter ósirdi. Soısa azyq, ári kıim, minse kólik bolatyn mal-janýarlar jaratty.
Biraq ol tákkappar, ózi týylyp, ózi osyǵan jetkendeı Qudaıyn moıyndamaıdy, Oǵan serik qosady, ólip qalǵan adamdardyń rızalyǵyn izdep, Qudaıy turǵanda olardan keregin suraıdy. Ánsheıin qaǵazdan, bylǵary teriden turatyn tumarǵa senedi, kók túske boıalǵan áınekke kózden saqtaıdy dep senedi, jaı ósip turǵan talǵa shúberek baılap, oǵan úmit etedi, mahabaty berik bolady dep kópirge qulyp ilip, kiltin sýǵa tastaıdy. Bul jaı is emes, bul shaıtannyń adamdardy Jaratýshysynan aıyrýy. Kúni boıy saǵatyn jumysqa, oıyn-kúlkige, tamaq ishý men ish bosatýǵa jumsap, sondaı kerekti isterge ýaqyt taýyp, Jaratqanyna bes mınýtyn bólgisi kelmeıdi, Ol jaıly áńgimeni jaqtyrmaıdy. Alla sizge kerek emes? Ata-anasymen osylaı jasasa ol kim bolar edi? Rasynda, adam ádiletsiz. Biraq Qudaıyna qaıtatyn kún alys emes, ári Ol ár nárseni kórýshi, bilýshi», — dep jazady aıtysker.
Bul pikir, ádettegideı, jeli qoldanýshylarynyń arasynda qyzý pikirtalas týǵyzdy.
