Búgin Amandyq Batalov «HOME MART»kompaniiasynyń bas direktory Erlan Muqashevpen, «Allel Agro» AQ basqarma tóraiymy Raziia Jataqpaevamen jáne «Energomost» konsortsiýmy direktorlar keńesi tóraǵasynyń orynbasary Liliia Nammen kezdesti.
Oblys ákimi A. Batalov óz kezeginde mundai deńgeidegi saýda ortalyǵyn Taldyqorǵan qalasyna da, atap aitqanda ońtústik-batys turǵyn aýdanǵa salý qajettigin aitty.
E. Muqashev bul usynysty jáne onyń sheshimin izdeý joldaryn qarastyrýǵa daiyn ekendikterin jetkizdi. Bul máselede oblys ákiminiń tapsyrmasymen qala ákimdigi de qoldaý kórsetetin bolady.
«Allel Agro» AQ jumysy týraly atalmysh kompaniianyń basqarma tóraiymy Raziia Jataqpaeva áńgimeledi.
Jiynda aitylǵanyndai, Almaty oblysy qus etin óndirýde elimiz boiynsha kóshbasynda tur, naryqtaǵynyń 45%-in nemese jylyna 83 myń tonna et óndiredi.
«Energomost» konsortsiýmynyń oblysta júzege asyryp jatqan jobalary jaiynda konsortsiým direktorlar keńesi tóraǵasynyń orynbasary Liliia Nam baiandap berdi. L. Namnyń aitýynsha, óńirde konsortsiým úsh baǵytta jumys istep keledi. Bul oraida Aqsý qant zaýytyn jańǵyrtý, gidroenergetikalyq jáne sý sharýashylyǵy keshenderin aitýǵa bolady. Konsortsiýmirrigatsiialyq júielerimen birge Pokatilovka sý qoimasynyń qurylysyn da júzege asyrýdy qolǵa alyp otyr.
Jiyndy qorytyndylaǵan oblys ákimi Amandyq Batalov sóz etilgen jobalardyń barlyǵy da oblys úshin asa mańyzdy ekenin, sonyń negizinde jańa jumys oryndary ashylyp, biýdjetke salyq túsimi turaqtanatynyn, jalpy alǵanda óńirdiń áleýmettik-ekonomikalyq damý deńgeii jaqsara túsetinin atap ótti.
– Sizderge barlyq qajetti qoldaýlar kórsetiledi. Biz oblysty odan ári damytý úshin investorlarǵa qolaily jaǵdai jasaýdy budan bylai da jalǵastyra beretin bolamyz, – dedi A. Batalov.
Almaty oblysy ákiminiń baspasóz qyzmeti
