Shekteý sharalary men mádenı-kópshilik is-sharalardy ótkizýge tyıym salynǵanyna qaramastan, jetisýlyqtar osy aıtýly kúndi – Qazaqstan Táýelsizdiginiń 30 jyldyǵynyń mańyzdylyǵyn erekshe atap ótýge bel býdy.
Sharaǵa qatysqan turǵyndar chellendj azamattardyń, ásirese óskeleń urpaqtyń patrıottyq sezimderin kúsheıtýge yqpal etetinin alǵa tartty.
– Elbasy Nursultan Ábishuly aıtqandaı, Memlekettik rámizder – bul bizdiń memleketimizdiń, bizdiń egemendigimizdiń berik negiziniń biri. Olar Táýelsizdiktiń qasıetti beınesin bildiredi. Epıdemıologıalyq jaǵdaıǵa qaramastan, biz bul kúnniń mańyzdylyǵyn umytpaýymyz kerek, – deıdi 16 qabatty turǵyn úıde turatyn Gúlnaz Ermuratova.
Sonymen qatar, qala turǵyndary da kúntizbedegi eń mańyzdy kúndi merekeleý úshin qolǵa alǵan sharany joǵary baǵalady.
– Men osy yqsham aýdannyń turǵynymen. Moıyn sozyp qaraǵanda kók týymyz kózime ottaı basyldy. Óte ádemi kórinedi. Biz árqashan Táýelsizdik kúni men memlekettik rámizderge erekshe mán berýge tıispiz. Al mundaı chelendjder Táýelsizdiktiń qasterli úǵym ekenin túsinýge yqpal etedi, – deıdi qala turǵyny Aıaýjan Bolat.
Esterińizge sala keteıik, Táýelsizdiktiń 30 jyldyǵyn merekeleý aıasynda «Meniń týym. Meniń Otanym!» chelendji búkil respýblıka qamtydy. Áleýmettik mańyzy bar nysandarda jáne turǵyn úılerdiń balkondarynda memlekettik rámizdi ilýge ruqsat etiledi.
Bul aksıany el azamattary oń qabyldap, áleýmettik jelilerde arnaıy jabalarmen, foto jáne beıne materıaldarmen bólisip, #MenińtýymMenińelim heshtegimen taratýda.
Anar SABYROVA, Almaty obylsy.
