Taldyqorǵanda er adamdardan aqsha bopsalaýmen ainalysqan qylmystyq top anyqtaldy. Top quramynda qyzdar men olardyń sybailastary bolyp, olar aldyn ala oilastyrylǵan syzbalar boiynsha áreket etken, dep habarlaidy Dalanews.kz.
Tergeý málimetinshe, 2024 jylǵy mamyrda birneshe qyz jalǵan aiyp taǵý jáne abyroiyn túsiretin málimetterdi taratamyz dep qorqytý arqyly qylmystyq jolmen aqsha tabýdy kózdegen.
"Qurbandaryn izdeý úshin olar áleýmettik jelini paidalanyp, er adamdarmen tanysyp, áńgimelesýdi intim jaqyndyqqa jetkizgen. Sodan keiin iske ekinshi qatysýshy aralasqan, ol jábirlenýshige "qurbysy jylap otyr" degen syltaýmen qońyraý shalyp, kelýin suraǵan. Kezdesýde zorlyq týraly politsiiaǵa aryzdanamyz dep er adamdy qorqytyp, odan aqsha talap etken. Alǵashqy jábirlenýshi kúdiktilerge 350 myń teńge bergen", - dedi IIM ókilderi.
Kúdiktiler ekinshi jábirlenýshiden dál osyndai syzba boiynsha "júktilikke" bailanysty 2 million teńge talap etip, 900 myń teńgeden asa aqsha alǵan.
"Keiin bul iske er adam qosylyp, kelesi jábirlenýshiden 2 million teńge bopsalaýǵa kómektesken, biraq olar 800 myń teńge alǵan. Taǵy bir jábirlenýshiden 795 myń teńge alǵan", - deidi IIM ókili.
Eń soraqy alaiaqtyqtardyń biri kámeletke tolmaǵan adamdy zorlaýǵa oqtalý oqiǵasy bolǵan.
"Bul epizodqa tórt kúdikti qatysqan: bir qyz jynystyq qatynasqa túsýi kerek bolǵan, al úsheýi ózderin týystarymyz dep tanystyryp, aqsha bopsalaǵan. Osylaisha olar 800 myń teńge iemdengen. Osyndai shemalar qylmyskerlerge birneshe márte aqsha ákelgen: 600 myń, 1,5 million, 1 million teńge", - dep jazylǵan habarlamada.
Bir jaǵdaida kúdiktiler ózderin politsiia qyzmetkerlerimiz dep tanystyryp, kúsh qoldanyp, 500 myń teńge tartyp alǵan.
"Jalpy sany 9 kúdikti 11 adamnan aqsha bopsalaǵany anyqtaldy. Olardyń barlyǵy ustalyp, qamaýǵa alyndy", - dep jazylǵan habarlamada.
