Taldyqorǵanda Naýryz meiramyn qalai toilanady?
10 kúndik shara aiasynda qala aýmaǵyndaǵy aýyldyq okrýgterde, eriktilerdiń qatysýymen eskertkishter mańynda tazalyq jumystary júrgizilip, asyq, toǵyzqumalaq, doiby, han doiby túrlerinen jáne qalalyq sport mektepterinde jasóspirimder arasynda qazaqsha kúresten qalalyq týrnir uiymdastyrylady.
– Naýryz meiramyn merekeleý barysynda, urpaqtyń ziiatkerlik áleýetin arttyrýǵa baǵyttalǵan keshendi ister atqarylady. Naqtylasaq, qala mektepterinde ejelgi ádet-ǵuryptardy jańǵyrtý salasyndaǵy ǵylymi-zertteý jumystary, esse jazý, diskýssiialyq tok-shoý jáne aqyndar men jazýshylardyń shyǵarmalarynyń tusaýkeseri kitaphanalar men bilim berý mekemelerinde ótkiziledi, – deidi Taldyqorǵan qalasynyń mádeniet jáne tilderdi damytý bóliminiń bas mamany Ádil Alinov.
Kún men túnniń teńelip, jańa jyldyń bastaýy bolǵan 22 naýryzda,
El Prezidenti Qasym-Jomart Kemeluly telearnalarda saǵat 12.00-de merekelik quttyqtaýmen halyq aldyna shyǵatyn bolady.
Dál osy kúni, bulaq kózin ashý jáne qala boiynsha úsh jerde tal egý jumystary júrgiziledi.
Merkelik kóńil-kúi, pandemiialyq ahýalǵa bailanysty onlain túrde, áleýmettik jelilerde, internet-resýrstarda «Taldyqorǵan áýenderi» HFEA –nyń dýmandy keshi arqyly beriledi.
Merýert AQBAROVA
