10 كۇندىك شارا اياسىندا قالا اۋماعىنداعى اۋىلدىق وكرۋگتەردە، ەرىكتىلەردىڭ قاتىسۋىمەن ەسكەرتكىشتەر ماڭىندا تازالىق جۇمىستارى جۇرگىزىلىپ، اسىق، توعىزقۇمالاق، دويبى، حان دويبى تۇرلەرىنەن جانە قالالىق سپورت مەكتەپتەرىندە جاسوسپىرىمدەر اراسىندا قازاقشا كۇرەستەن قالالىق تۋرنير ۇيىمداستىرىلادى.
– ناۋرىز مەيرامىن مەرەكەلەۋ بارىسىندا، ۇرپاقتىڭ زياتكەرلىك الەۋەتىن ارتتىرۋعا باعىتتالعان كەشەندى ىستەر اتقارىلادى. ناقتىلاساق، قالا مەكتەپتەرىندە ەجەلگى ادەت-عۇرىپتاردى جاڭعىرتۋ سالاسىنداعى عىلىمي-زەرتتەۋ جۇمىستارى، ەسسە جازۋ، ديسكۋسسيالىق توك-شوۋ جانە اقىندار مەن جازۋشىلاردىڭ شىعارمالارىنىڭ تۇساۋكەسەرى كىتاپحانالار مەن ءبىلىم بەرۋ مەكەمەلەرىندە وتكىزىلەدى، – دەيدى تالدىقورعان قالاسىنىڭ مادەنيەت جانە تىلدەردى دامىتۋ ءبولىمىنىڭ باس مامانى ءادىل الينوۆ.
كۇن مەن ءتۇننىڭ تەڭەلىپ، جاڭا جىلدىڭ باستاۋى بولعان 22 ناۋرىزدا،
ەل پرەزيدەنتى قاسىم-جومارت كەمەل ۇلى تەلەارنالاردا ساعات 12.00-دە مەرەكەلىك قۇتتىقتاۋمەن حالىق الدىنا شىعاتىن بولادى.
ءدال وسى كۇنى، بۇلاق كوزىن اشۋ جانە قالا بويىنشا ءۇش جەردە تال ەگۋ جۇمىستارى جۇرگىزىلەدى.
مەركەلىك كوڭىل-كۇي، پاندەميالىق احۋالعا بايلانىستى ونلاين تۇردە، الەۋمەتتىك جەلىلەردە، ينتەرنەت-رەسۋرستاردا «تالدىقورعان اۋەندەرى» حفەا –نىڭ دۋماندى كەشى ارقىلى بەرىلەدى.
مەرۋەرت اقباروۆا
