Qurylys 2018 jyly Taldyqorǵan qalasynyń úshinshi bóliminiń aýmaǵynda bastaldy. Eki jyldan soń kólemi 2 0000 sharshy metr bolatyn jańa meshit jamaǵat ıgiligi úshin esigin aıqara ashty.
«Táýbe» qalalyq meshiti úsh myńǵa jýyq adamdy qabyldaı alady. Zamanaýı arhıtektýralyq sheshimder qabyldanǵan meshittiń qurylysy erekshe salynǵan.
Eki qabattan turatyn «Táýbe» meshitinde bıiktigi 40 metr bolatyn eki munara bar. Kúmbezdiń dıametri – 18 metr, bıiktigi – 10 metr quraıdy. Ashylý saltanatyn Qazaqstan musylmandary dinı basqarmasynyń tóraǵasy, bas múftı Naýryzbaı qajy bastap, turǵyndardy qalanyń sáni men izgiliktiń nyshanyna aınalatyn jańa sáýletti ǵımarattyń qurylysynyń aıaqtalýymen quttyqtady:
– Qazaqstan musylmandary dinı basqarmasynyń atynan jáne ózimniń atymnan dindi damytýǵa eleýli úles qosqan qorǵa alǵysymdy bildirgim keledi. Olardyń kómegimen ǵasyrlar boıy bizdiń senimimizdi urpaqtarǵa taratatyn meshit pen medrese salyndy, – dede bas múftı.
Meshitte namaz oqý úshin qolaıly jaǵdaı jasalǵan. Ǵımaratta kondısıalaý júıesi qoldanylyp, barlyq namaz oqý zaldarynda «jyly eden» júıesi jasalǵan. Qaýipsizdikti saqtap, respıratorlyq ınfeksıasynyń taralýynyń aldyn-alý maqsatynda meshitte sanıtarıalyq-epıdemıologıalyq talaptar saqtalǵan.
«Meshit – qalanyń damýynyń aıqyn úlgisi. Meshittiń ashylý rásimine deıin stýdentterge arnalǵan jataqhanany araladyq. Barlyq jaǵdaı jasalǵan. Jastar – elimizdiń bolashaǵy. Sonymen qatar, jastar ortalyǵyna baryp, Qazaqstan halqy assambleıasynyń ókilderimen kezdestik. Bul jaqta ultaralyq jáne dinaralyq kelisimge úlken mán berilgen» dedi Qazaqstan musylmandary dinı basqarmasynyń tóraǵasy, bas múftı Naýryzbaı qajy.
– Birinshiden, bul mańda 600 otbasy otyrady. Jastary bar, basqasy bar. Sol balalarǵa osyndaı meshitke degen muqtajdyq bolýy múmkin edi. Bul naǵyz Jetisý halqyna, Taldyqorǵan jurtshylyǵyna úlken qurmet, jaqsy syı boldy, – Almaty oblysynyń ardargerler keńesiniń tóraǵasy Ermek Kelemseıit.
«Salıqaly urpaq» qoǵamdyq qory dindar jáne muqtaj jandarǵa erekshe kóńil bóledi. Qordy 2016 jyly Bolat Nazarbaev qurǵan edi.
Osy ýaqytqa deıin onyń qoldaýymen Almaty oblysynda 350 orynǵa arnalǵan meshit, Almaty qalasynda 1 000 adamǵa arnalǵan meshit salyndy.
2020 jyly qor koronavırýsqa qarsy kúres úshin 150 mıllıon teńge bóldi. Túrkistan oblysynyń Maqtaral aýdanynda sý tasqynynan zardap shekken otbasylarǵa jıyrma úı salyp berdi. Alǵashqy kúni-aq japa shekken jandarǵa 20 tonna gýmanıtarlyq júk jetkizdi. Az qamtylǵan otbasylardyń 20 balasy jazǵy lagerde demaldy.
Sonymen qatar, Almaty qalasy men Almaty oblysynyń az qamtylǵan otbasylardyń oqýshylaryn qoldaý maqsatynda jeke qarajatynan qashyqtan bilim alý úshin 1 000 noýtbýk úlestirdi.
