Qos ǵimarattyń tusaýkeserine oblys ákimi arnaiy kelip,oqýshylardy jańa oqý jylymen quttyqtady.
– Qurmetti oqýshylar jáne ata-analar! Sizderdi shyn júrekten osynaý qýanyshty sátterińizben quttyqtaimyn. Jańa mekteptiń qabyrǵasynda sizder tolyq múmkindikterińizdi paidalanyp, sapaly bilim alyp, óz kúshterińizge senim tanytyp, tárbieli de sanaly azamat bolyp qalyptasatyndaryńzǵa senimdimin, – dedi oblys basshysy.
Jańa mektep 1200 oryndy, 46 maman qyzmet jasaidy. Mektep direktory Gúljan Sydybaevanyń aitýynsha, búginde 700-den asa bala qabyldanǵan. 3 qabatty ǵimarat 5 bloktan turady. 61 oqý kabineti men 3 oqytý sheberhanasy, sport pen májilis zaly, kitaphana, ashana, meditsinalyq kabineti bar.
Qazir qala turǵyndarynyń qatary ósip, áleýmettik nysandarǵa suranys jyl saiyn artyp keledi. Onyń ústine Taldyqorǵanda sońǵy 15 jylda jańadan mektep ǵimaraty salynbaǵan eken. Jańa oqý jylynda jumysyn bastaǵan qos oqý shańyraǵy der kezinde ashylǵan qutty ǵimarat bolyp otyr. Al bul bilim shańyraqtarynyń materialdyq-tehnikalyq bazasy tolyqtai jabdyqtalyp, zamanǵa sai bilim berýge laiyqtalǵan.
Baljan Qairatqyzy, Almaty oblysy.
