Taldyqorǵanda 2021 jyly jańa bassein paidalanýǵa berilmek (video)
– Biz qashanda sportqa erekshe mán berýge tyrysamyz, óitkeni sport – ulttyń saýlyǵy. Bul týraly Memleket basshysy Nursultan Ábishuly Nazarbaev únemi aityp júredi. Sondyqtan elimizde teńdesi joq bassein salýdy qolǵa almaqpyz. Bul ýaqyt óte kele Taldyqorǵandy sý sporty túrleriniń ortalyǵyna ainaldyrýǵa múmkindik beredi dep oilaimyn, – dedi Amandyq Batalov.
Óńir basshysy jańa basseinde álemdik deńgeidegi jarystar ótkizýge bolatynyn aitty. Sebebi jańa ǵimarat 4 basseindi qamtityn bolady. Ekeýiniń uzyndyǵy 50 metrden, eni 25 metrden, taǵy ekeýi olimpiadalyq oiyndarǵa arnalǵan – bireýi jattyǵýǵa, ekinshisi jarysqa arnalǵan.
Jalpy, jabyq bassein jertólesi bar úsh qabatty ǵimarat bolmaq.
Ámbebap bassein júzý, akvaaerobika, sýdaǵy shógen, sýǵa sekirý boiynsha oqý-jattyǵý ótkizýge, turǵyndar úshin saýyqtyrýǵa arnalǵan júzýge, balalardy júzýge úiretýge, sol siiaqty kórermenderdiń qatysýymen ótetin jarystarǵa arnalǵan. Al kórermender tribýnasy 570 orynǵa laiyqtalǵan.
Sondai-aq, múmkindigi shekteýli azamattardyń da júzýmen ainalysýyna jaǵdai jasalady. Atalmysh nysanda sý sporty túrlerinen álem chempionatyn ótkizýge bolady. Al jarystardan tys ýaqytta qalalyqtar osy ǵimaratta júzýmen ainalysýǵa múmkindik alady. Sonymen qatar, eń úzdik jattyqtyrýshylar jumys istep, bolashaq chempiondardyń shynyǵýyna qajetti barlyq jaǵdailar jasalynatyn bolady.
Baljan JUMANBEKOVA,
Almaty oblysy.
https://youtu.be/5Jk-pnZ6VKs
