Taldyqorǵanda saiabaqtar men skverlerdi kútip-ustaýǵa qatysty birneshe iri memlekettik satyp alý konkýrsy toqtatyldy. Buǵan KTRÝ-dyń durys tańdalmaýy sebep bolǵan. Jalpy sany onǵa jýyq konkýrs kúshin joidy, al olardyń jalpy somasy 1,2 milliard teńgeden asady, dep habarlaidy Dalanews.kz.
Memlekettik satyp alýda KTRÝ (taýarlar, jumystar men qyzmetterdiń biryńǵai nomenklatýrasy) qoldanylady. Bul júie arqyly árbir satyp alý nysany naqty kodpen belgilenip, soǵan sáikes qandai uiymdardyń qatysa alatyny, qandai tártip qoldanylatyny jáne qandai talaptar qoiylatyny anyqtalady.
Alaida Goszakup turaly telegram arnasynyń málimetke súiensek, Taldyqorǵanda aýmaqty abattandyrý, saiabaqtar men skverlerdi kútip-ustaý jumystary KTRÝ boiynsha durys kórsetilmei, ǵimarattar men qurylystardy jáne olarǵa irgeles aýmaqtardy kútip-ustaý qyzmeti retinde jariialanǵan. Al bul sanat naqty bir ǵimaratqa qatysty qoldanylýy tiis. Konkýrstarda ondai ǵimarattar kórsetilmegen.
Máseleniń eń mańyzdy tusy, KTRÝ durys tańdalǵan jaǵdaida, bul satyp alýlar múgedektigi bar adamdardyń uiymdary arasynda ótkizilýi kerek bolatyn. Qate KTRÝ qoldaný arqyly zańmen qorǵalatyn jetkizýshiler toby konkýrsqa qatysý múmkindiginen aiyrylǵan. Bul shekteý konkýrs jariialanǵan sátten bastap-aq oryn alǵan.
Sarapshylardyń aitýynsha, mundai qatelikti birneshe minýttyń ishinde túzetýge bolady, alaida qoldanystaǵy júiede satyp alý qaita jariialanǵan kúnniń ózinde tapsyrys berýshi jaýapkershilikke tartylmaidy. Bul jaǵdai memlekettik satyp alý týraly zańnamanyń jáne múgedektigi bar adamdardyń quqyqtaryn qorǵaýǵa baǵyttalǵan normalardyń saqtalmaýyna ákelip otyr.
Mamandar qazirgi jaǵdai memlekettik satyp alýlar júiesiniń tiimsizdigin kórsetetinin alǵa tartady. Olardyń pikirinshe, bul salada kásibi memlekettik satyp alýshylar institýtyn qalyptastyrý nemese satyp alý júiesin ortalyqtandyrý asa qajet. Sonymen qatar buzýshylyq keiin túzetilse de, jaýapkershilik qarastyrylýy tiis degen usynystar aitylyp jatyr.
