«Nurly Jol» baǵdarlamasy da oblystyń jol-kólik infraqurylymyn damytýǵa zor serpin berdi. Oblystyq jolaýshy kóligi jáne avtomobil joldary basqarmasy basshysy Ǵalymjan Dáribaevtyń aitýynsha, «Nurly jol» baǵdarlamasynyń sheńberinde jergilikti mańyzy bar 1800 shaqyrym avtojol qaita jańartylyp, jóndeldi.
Aýmaqty damytý baǵdarlamasyna sáikes aldaǵy 5 jylǵa avtomobil joldary jelisin damytýdyń oblystyq jospary ázirlendi. Soǵan sáikes 2025 jylǵa deiin 1700 shaqyrymǵa jýyq jol jóndeýdiń barlyq túrimen qamtylatyn bolady, oǵan 150 mlrd. teńge baǵyttalady. Sonyń ishinde Úlken Almaty ainalma avtokólik jolyna shyǵatyn alty jol salynady, Saiyn kóshesi osy jyly bastalady. Munyń bári 2025 jylǵa qarai joldardyń sapasyn 95 protsentke jetkizýge múmkindik beredi.
Almaty qalasyna kóliktiń kirip-shyǵýyn odan ári jeńildetý maqsatynda joǵarǵy Qaskeleń tas joly men Talǵar traktin birinshi sanatqa jetkizip, qaita jańartý kózdelgen. Sol siiaqty uzyndyǵy 170 shaqyrym Saryózek-Kóktal jolyn qaita jańartý júrgiziledi. 2023 jylǵa qarai «Qapshaǵai-Kúrti» jáne «Kúrti-Býrylbaital» joldarynyń 233 shaqyrymyn qaita jańartý aiaqtalady.
«Aq bulaq» demalys aimaǵyna barý úshin Talǵar qalasyn ainalyp ótetin jol men kópir salyndy, Talǵar trakty – «Lesnaia skazka», Sharyn shatqalyna kiretin jol jasalyp, bul jumystarǵa 6,3 mlrd. teńge jumsaldy.
Jańa jol qurylystarymen qatar jol boiyndaǵy servis jaǵdaiynyń da sapasyn jaqsartý umyt qaldyrylǵan joq. Qazirgi ýaqytta osyndai 344 nysan bar, onyń 60 protsenti Ulttyq standart talaptaryna sáikes.
Mysaly, ótken jyly «Almaty – Óskemen» avtojolynyń 20-shaqyrymynda, Ile aýdanynyń aýmaǵynda kólemi 2 gektardai jerde salynǵan «D» sanatyndaǵy «Compass» avtojanarmai quiý stantsiiasyna qarasty pýnktterdiń biri iske qosyldy. Bul jańa formattaǵy, zamanaýi talaptarǵa jaýap beretin trassalyq keshen asa iri nysannyń biri jáne munda jolaýshylarǵa qajetti jaǵdailar qarastyrylǵan. Ázirge bul nysannyń Qazaqstanda teńdesi joq. Keshen aýmaǵynda 14 avtokólik pen 2 elektromobilge arnalǵan janar-jaǵarmai stansasy, júk kólikterine arnalǵan turaq qarastyrylǵan. Kólemi shamamen 1000 sharshy metrlik ǵimaratta jolaýshylardyń tolyqqandy tamaqtanýyna laiyqtalǵan ashana, dándi kofe men tiske basar taǵam satatyn ekspress-kafe de bar. Keshen kóp oryndy sanitarlyq jelilermen jabdyqtalǵan, sonyń ishinde dýsh bólmeleri de bar, múgedek jandarǵa da qolaily jaǵdailar qarastyrylǵan. Keshenniń bir ereksheligi – onyń aýmaǵynda avtokólikke janarmai quiýdan bastap, ystyq tamaq iship, jolǵa qajetti azyq-túlik jáne basqa da zattardy satyp alýǵa deiingi qyzmettiń tolyq spektory usynylady. Jol boiynda sapaly servis qalyptastyrý jumystary jalǵasady.
