Zorlyq deregi boiynsha kúdikke ilingen Taldyqorǵan qalalyq politsiia basqarmasynyń burynǵy bastyǵy Marat Kúshtibaevqa qatysty sot otyrysy jalǵasty, - dep habarlaidy Dalanews.kz.
Tengrinews.kz málimetinshe, bul týraly Jetisý oblystyq sotynyń baspasóz qyzmeti ókilderi málimdegen.
"Qylmystyq kodekstiń 120-baby ("Zorlaý") boiynsha aiyptalyp jatqan K. boiynsha qylmystyq is Taldyqorǵan sotynda qaralyp jatyr. Sot otyrysy 28 naýryzǵa belgilendi", - dep jazylǵan sottyń baspasóz qyzmeti málimetinde.
Aita keteiik, 5 naýryzda Kúshtibaevtyń densaýlyǵyna bailanysty sot otyrysy keiinge qalǵan edi. Jedel járdem ony sot zalynan áketip, aýrýhananyń kardiologiia bólimine jetkizgen.
Eske salaiyq, byltyr qarashada Taldyqorǵan politsiiasynyń basshysy Marat Kúshtibaev qyz zorlady degen kúdikpen ustalǵan bolatyn.
Sonymen qatar, buǵan deiin sot otyrysy bastalǵany da aityldy.
"Taldyqorǵan qalalyq soty QR Qylmystyq kodeksi 120-baby 2-bóliginiń 5-tarmaǵymen aiyptalǵan kúdikti K-ǵa qatysty qylmystyq isti qaraýdy bastady. Protsess jabyq rejimde ótip jatyr",- dep habarlady buǵan deiin Jetisý oblystyq sotynyń baspasóz qyzmetinen.
