Izrail men Iran arasyndaǵy shielenistiń kúsheiýi álemdik munai baǵasynyń ósýine túrtki boldy. 8 maýsymdaǵy saýda qorytyndysy boiynsha Brent markaly munaidyń tamyz aiyna arnalǵan fiýchersteri 3,6%-ǵa qymbattap, bir barreli 96,7 dollarǵa jetti, dep habarlaidy dalanews.kz.
Sonymen qatar, WTI markaly munai baǵasy 93,5 dollarǵa deiin kóterilse, Urals markasynyń quny 86,3 dollar boldy.
Sarapshylar mundai ósimdi naryqtaǵy geosaiasi táýekelderdiń artýymen bailanystyryp otyr. Olardyń pikirinshe, investorlar Parsy shyǵanaǵyndaǵy munai jetkizilimine qaýip tónýi múmkin degen alańdaýshylyq tanytýda.
Ásirese, álemdik munai tasymaly úshin strategiialyq mańyzy joǵary Ormýz buǵazy tóńiregindegi ahýal basty nazarda qalyp otyr.
Málimetterge súiensek, AQSh pen Izraildiń Iranmen teketiresi bastalǵan 100 kún ishinde Ormýz buǵazy arqyly shamamen myńǵa jýyq keme ótken. Bul kórsetkish qalypty jaǵdaida buǵazdaǵy bir aptalyq keme qozǵalysyna para-par.
