يزرايل مەن يران اراسىنداعى شيەلەنٸستٸڭ كٷشەيۋٸ ەلەمدٸك مۇناي باعاسىنىڭ ٶسۋٸنە تٷرتكٸ بولدى. 8 ماۋسىمداعى ساۋدا قورىتىندىسى بويىنشا Brent ماركالى مۇنايدىڭ تامىز ايىنا ارنالعان فيۋچەرستەرٸ 3,6%-عا قىمباتتاپ, بٸر باررەلٸ 96,7 دوللارعا جەتتٸ, دەپ حابارلايدى dalanews.kz.
سونىمەن قاتار, WTI ماركالى مۇناي باعاسى 93,5 دوللارعا دەيٸن كٶتەرٸلسە, Urals ماركاسىنىڭ قۇنى 86,3 دوللار بولدى.
ساراپشىلار مۇنداي ٶسٸمدٸ نارىقتاعى گەوساياسي تەۋەكەلدەردٸڭ ارتۋىمەن بايلانىستىرىپ وتىر. ولاردىڭ پٸكٸرٸنشە, ينۆەستورلار پارسى شىعاناعىنداعى مۇناي جەتكٸزٸلٸمٸنە قاۋٸپ تٶنۋٸ مٷمكٸن دەگەن الاڭداۋشىلىق تانىتۋدا.
ەسٸرەسە, ەلەمدٸك مۇناي تاسىمالى ٷشٸن ستراتەگييالىق ماڭىزى جوعارى ورمۋز بۇعازى تٶڭٸرەگٸندەگٸ احۋال باستى نازاردا قالىپ وتىر.
مەلٸمەتتەرگە سٷيەنسەك, اقش پەن يزرايلدٸڭ يرانمەن تەكەتٸرەسٸ باستالعان 100 كٷن ٸشٸندە ورمۋز بۇعازى ارقىلى شامامەن مىڭعا جۋىق كەمە ٶتكەن. بۇل كٶرسەتكٸش قالىپتى جاعدايدا بۇعازداعى بٸر اپتالىق كەمە قوزعالىسىنا پارا-پار.
